မုံရွာ-အမြင့်လမ်းတွင် စစ်အာဏာရှင် တော်လှန်ရေး လူထုဟောပြောပွဲ ပြုလုပ်
ရန်ကုန်၊ ဇွန် ၁၃
မုံရွာ-အမြင့်လမ်းရှိ ကျေးရွာတစ်ရွာတွင် ယနေ့ ဇွန်လ ၁၃ ရက်နေ့၌ စစ်အာဏာရှင် တော်လှန်ရေး လူထုဟောပြောပွဲ ပြုလုပ်ခဲ့ကြောင်း သိရသည်။
အဆိုပါ ဟောပြောပွဲကို ကျေးရွာ ပအဖ ၊ ပကဖ၊ ပလဖများ တပ်ရင်း တပ်ဖွဲ့များ အကူအညီဖြင့် မုံရွာ-အမြင့်လမ်း သပိတ်ဦးဆောင်ကော်မတီ၊ မုံရွာမြို့နယ် ပြည်သူ့အုပ်ချုပ်ရေး အဖွဲ့ဝင်များ၊ မုံရွာမြို့နယ် ပြည်သူ့ ကာကွယ်ရေး အဖွဲ့ဝင်များက ပြုလုပ်ခဲ့ကြောင်း သိရသည်။
လက်ရှိ နိုင်ငံရေး အခြေအနေများ၊ တော်လှန်ရေး အပေါ်လူထု ပါဝင်မှုများနှင့် ဖက်ဒရယ် ဒီမိုကရေစီ အခြေခံသဘော တရားများကို ဟောပြောခဲ့ကြောင်း သိရှိရသည်။
