ကန်ပက်လက်မြို့မ ရဲစခန်းကို ရှော့တိုက်ဒုံးဖြင့် ပစ်ခတ် တိုက်ခိုက်၊ မင်းတပ်မြို့နယ်အတွင်း ဖြစ်ပွားခဲ့သော တိုက်ပွဲများ၌ စစ်သား ၂၁ ဦးသေဆုံး
ရန်ကုန်၊ ဇွန်လ ၁၇
ချင်းပြည်နယ်၊ ကန်ပက်လက်မြို့မရဲစခန်းကို ရှော့တိုက်ဒုံးများဖြင့် ပစ်ခတ် တိုက်ခိုက်ခဲ့ကြောင်း CDF – Kanpetlet ထံမှ သိရသည်။
ယမန်နေ့ ဇွန်လ ၁၆ ရက်နံနက် ၉ နာရီခွဲခန့်မှ ၁၀ နာရီခွဲခန့်အထိ နေ့က ကန်ပက်လက်မြို့၊ ကန်ပက် လက်မြို့မရဲစခန်း၌ တပ်စွဲထားသော အကြမ်းဖက်စစ်သားများကို ရှော့တိုက်ဒုံးဖြင့် ပစ်ခတ်တိုက်ခိုက်ခဲ့ ရာ ရဲစခန်းအတွင်းသို့ ကျရောက်ခဲ့ပြီး အကြမ်းဖက်စစ်တပ်မှ မြို့တွင်းသို့ လက်နက်ကြီးများဖြင့် ၁၀ ကြိမ် ထက်မနည်း ရမ်းသမ်းပစ်ခတ်ခဲ့ကြောင်း သိရသည်။
အဆိုပါတိုက်ခိုက်မှုကို CDF – Kanpetlet နှင့် ညောင်ဦးခရိုင် တပ်ရင်း ၂ (ညောင်ရမ်း တပ်ရင်း) တို့ပူး ပေါင်း ကာတိုက်ခိုက်ခဲ့ခြင်းဖြစ်ကြောင်း သိရသည်။
ထို့ပြင် မင်းတပ်မြို့နယ်အတွင်း ဖြစ်ပွားခဲ့သော တိုက်ပွဲများ၌ အကြမ်းဖက် စစ်သား ၂၁ ဦးသေဆုံးခဲ့ကြောင်း CDF- Kanpetlet ထံမှ သိရသည်။
မေလ ၂၉ ရက်နေ့တွင် မင်းတပ်မြို့မှ တပ်ချိန်းပြီး ပြန်လည် ထွက်ခွာလာသည့် အကြမ်းဖက် စစ်ကြောင်းကို ညနေ ၂ နာရီမှ ၃ နာရီအထိတစ်ကြိမ်၊ ည ၈ နာရီတွင် တစ်ကြိမ် တိုက်ခိုက်ခဲ့ရာ တိုက်ပွဲ ပြင်းထန်ခဲ့ပြီး အကြမ်းဖက် စစ်သား ၁၅ ဦးသေဆုံးကာ CDF – Mindat မှ ရဲဘော်တစ်ဦး အပြင်းအထန်ဒဏ် ရာရရှိခဲ့ကြောင်း သိရသည်။
မေလ ၂၈ ရက်နေ့က မင်းတပ်မြို့မှ ထွက်ခွာလာသော အကြမ်းဖက်စစ်ကြောင်းကို ပဒေသာ မိုင်းဆွဲတိုက်ခိုက်ခဲ့ရာ အကြမ်းဖက်စစ်သား ၃ ဦးသေဆုံးခဲ့ကြောင်း၊ မေလ ၂၅ ရက်နေ့က မင်းတပ်မြို့သို့ တပ်ချိန်းရန် မင်းတပ်-ကျောက်ထုလမ်းအတိုင်းတက်လာသော အကမြ်းဖက်စစ်သားများကို လမ်းပိုင်းတ နေရာတွင် ပဒေသာမိုင်းဆွဲတိုက်ခိုက်ခဲ့ရာ စစ်သား ၃ ဦးသေဆုံးခဲ့ကြောင်း သိရသည်။
အဆိုပါတိုက်ခိုက်မှုများကို CDF Mindat ၊ CDF –Kanpetlet ၊ ဂန့်ဂေါခရိုင် တပ်ရင်း ၁၃ (The Youth Force) နှင့် ဂန့်ဂေါခရိုင် တပ်ရင်း ၈ တို့ပူးပေါင်းကာ တိုက်ခိုက်ခဲ့ခြင်းဖြစ်ကြောင်း CDF- Kanpetlet က ထုတ်ပြန်ထားသည်။
