မလေးရှားနိုင်ငံတွင် ဒေါ်အောင်ဆန်းစုကြည် ၏ ၇၈ နှစ်ပြည့် မွေးနေ့ အကြို ကျင်းပပြီး တော်လှန်ရေး ရန်ပုံငွေ ဘောလုံးပြိုင်ပွဲ ပြုလုပ်
ရန်ကုန်၊ ဇွန် ၁၈
မလေးရှားနိုင်ငံ၊ ဂျိူဟိုးစီနိုင်းမြို့တွင် ညီညာစုရုန်း ၂၂၂၂၂ လုံး ပြည်ပထောက်ပို့အဖွဲ့မှ ဦးဆောင်ကာ ယနေ့ ဇွန်လ ၁၈ ရက်နေ့တွင် ဒေါ်အောင်ဆန်းစုကြည် ၏ ၇၈ နှစ်ပြည့် မွေးနေ့ အကြို ကျင်းပပြီး တော်လှန်ရေး ရန်ပုံငွေ ဘောလုံးပြိုင်ပွဲ ပြုလုပ်ခဲ့ကြောင်း သိရသည်။
ရန်ပုံငွေ ဘောလုံးပြိုင်ပွဲကို အသင်း ၁၃ သင်းပါဝင်ယှဉ်ပြိုင်ခဲ့ပြီး လူဦးရေ ၅၀၀ ခန့် တက်ရောက်အားပေးခဲ့ကြောင်း၊ ရရှိလာသော ရန်ပုံငွေများကို မြန်မာနိုင်ငံရှိ PDF တပ်ဖွဲ့များထံ တာဝန်ခံများနှင့်ဆက်သွယ်၍ ပြန်လည်လှူဒါန်းသွားမည်ဖြစ်ကြောင်း သိရှိရသည်။
