အမေရိကန်နိုင်ငံ၊ ကယ်လီဖိုးနီးယားပြည်နယ်တွင် ဒေါ်အောင်ဆန်းစုကြည် မွေးနေ့ပွဲနှင့် တော်လှန်ရေး ရန်ပုံငွေ စျေးရောင်းပွဲ ပြုလုပ်

အမေရိကန်နိုင်ငံ၊ ကယ်လီဖိုးနီးယားပြည်နယ်တွင် ဒေါ်အောင်ဆန်းစုကြည် မွေးနေ့ပွဲနှင့် တော်လှန်ရေး ရန်ပုံငွေ စျေးရောင်းပွဲ ပြုလုပ်

ရန်ကုန်၊ ဇွန် ၁၉

အမေရိကန်နိုင်ငံ၊ ကယ်လီဖိုးနီးယားပြည်နယ်တွင် ဒေါ်အောင်ဆန်းစုကြည် မွေးနေ့ပွဲ အခမ်းအနားနှင့် တော်လှန်ရေး ရန်ပုံငွေ စျေးရောင်းပွဲ ပြုလုပ်ခဲ့ကြောင်း သိရသည်။

Alliance for Democracy in Myanmar တပ်ပေါင်းစုမှ ၇၈ နှစ် ပြည့် ဒေါ်အောင်ဆန်းစုကြည်အတွက် ကဗျာများရွတ်ဖတ်ခြင်း၊ ခွန်အားဖြည့်မိငယ်သီချင်းကို သံပြိုင်သီဆိုခြင်း မွေးနေ့ကိတ်ခွဲ ခြင်းများ ပြုလုပ်ခဲ့ကြောင်းသိရှိရသည်။

ထို့ပြင် စုပေါင်းစျေးရောင်းပွဲတော်အတွင်း Free Burma Action Committee-Northern California မှ ဦးဆောင်ပြီး နိုင်ငံတော်အတိုင်ပင်ခံ ဒေါ်အောင်ဆန်းစုကြည်နှင့် သမ္မတကြီး ဦးဝင်းမြင့် အပါအဝင် နိုင်ငံရေးအကျဉ်းသားများ အားလုံး လွတ်မြောက်ရန် အတွက် ငြိမ်းချမ်းရေး ခိုဖြူများလွှတ်ပေးခြင်း၊ ပန်းသပိတ်ဆင်နွှဲခြင်းကိုလည်း ထောက်ပို့ပြည်သူများနှင့်အတူ လှုပ်ရှားခဲ့ကြောင်း သိရသည်။