မလေးရှားနိုင်ငံတွင် ဒေါ်အောင်ဆန်းစုကြည်၏ ၇၈ နှစ်ပြည့် မွေးနေ့ အခမ်းအနား ပြုလုပ်
ရန်ကုန်၊ ဇွန် ၁၉
မလေးရှားနိုင်ငံ၊ Kepong မြို့ရှိ NLD OC International Malaysia အမျိုးသားဒီမိုကရေစီ အဖွဲ့ချုပ်ရုံး၌ ယနေ့ ဇွန်လ ၁၉ ရက်နေ့တွင် ဒေါ်အောင်ဆန်းစုကြည်၏ ၇၈ နှစ်ပြည့် မွေးနေ့ အခမ်းအနား ပြုလုပ်ခဲ့ကြောင်းသိရသည်။
အခမ်းအနားတွင် သံဃာတော်များ ပင့်ဖိတ် ဆွမ်းကပ်လှူခြင်း၊ ဥက္ကဌ ဦးစောမူးမူး၊ မင်းတပ် ချင်းတိုင်းရင်းသားရုံးမှဥက္ကဌနှင့် ကြွရောက်လာကြသော ဧည့်သည်တော်များက မွေးနေ့အမှတ် တရ စကားပြောကြားခြင်း၊ ကဗျာဆရာ (မင်းမုန်းသူ) မှ အမှတ်တရ ကဗျာရွတ်ဖတ်ခြင်း၊ ဒေါ်အောင်ဆန်းစုကြည်၊ သမ္မတကြီးနှင့် တကွ မတရားဖမ်းဆီးခံထားရသော နိုင်ငံရေးအကျဥ်သားများ အမြန်ဆုံး လွတ်မြောက်စေရန် အတွက် ငှက်လွှတ်ခြင်း အစီအစဥ်များ ပြုလုပ်ခဲ့ကြပြီး အခန်းအနားကို မွေးနေ့ကိတ်ခွဲ၍စစ်အာဏာရှင် ကျရှုံးရေး ကြွေးကြော်သံများ သံပြိုင်ကြွေးကြော်ကာ အောင်မြင်စွာ ပိတ်သိမ်းခဲ့ကြကြောင်း သိရှိရသည်။
