တန့်ဆည်တွင် ရဲတပ်သား ၁ ဦး လက်နက်ဖြင့် အလင်းဝင် လာသောကြောင့် ငွေကျပ် သိန်း ၇၀ ချီးမြှင့်
ရန်ကုန်၊ ဇူလိုင် ၁
စစ်ကိုင်းတိုင်း၊ တန့်ဆည်မြို့နယ်တွင် ရဲတပ်သား ၁ ဦး လက်နက်ဖြင့် အလင်းဝင်လာသောကြောင့် ငွေကျပ် သိန်း ၇၀ ချီးမြှင့်ခဲ့ကြောင်း သိရသည်။
အဆိုပါ ရဲတပ်သားသည် ဖေဖော်ဝါရီလ ၂၃ ရက်နေ့က တန့်ဆည်မြို့နယ် ပြည်သူ့ကာကွယ်ရေးအဖွဲ့ ပ.က.ဖထံ အလင်းဝင်လာခြင်း ဖြစ်ပြီး လုံခြုံရေး အခြေအနေကြောင့် ထုတ်ပြန်မှု နောက်ကျခဲ့ခြင်း ဖြစ်ကြောင်းသည်။
” CDM ဝင်လာတော့ ကြာနေပြီပေါ့ အခုမှ စိတ်ချရတဲ့အခြေအနေမို့ ထုတ်ပြန်လိုက်တာပါ” ဟု တော်လှန်ရေး ရဲဘော် တစ်ဦးကပြောဆိုသည်။
ယင်း ရဲတပ်သားသည် G-3 သေနတ် ၁ လက်၊ ကျည်ဘောက် ၂ ခု၊ လက်ပစ်ဗုံး ၁ လုံး၊ 7.62 ကျည် ၉၉တောင့်၊ ကျည်ကာ ၁ စုံ တို့ဖြင့် အလင်းဝင်ရောက် လာသောကြောင့် တန့်ဆည် ပ.က.ဖ က ငွေကျပ်သိန်း ၇၀ ဆုချီးမြှင့်ခဲ့ကြောင်း သိရသည်။
