မုံရွာမြို့မှ နမ့်တောသို့ ထွက်ခွာလာသော ကုန်တင်အမြန်ရေယာဉ်တွင် ပျူစောထီးများ၏ ရိက္ခာပစ္စည်းများ ဖမ်းမိ၊ အမြန်ရေယာဉ်​၏တာဝန်ခံကို နောက်ဆုံးသတိပေး ခံဝန်ကတိထိုး ပြန်လွှတ်ပေး

မုံရွာမြို့မှ နမ့်တောသို့ ထွက်ခွာလာသော ကုန်တင်အမြန်ရေယာဉ်တွင် ပျူစောထီးများ၏ ရိက္ခာပစ္စည်းများ ဖမ်းမိ၊ အမြန်ရေယာဉ်​၏တာဝန်ခံကို နောက်ဆုံးသတိပေး ခံဝန်ကတိထိုး ပြန်လွှတ်ပေး

ရန်ကုန်၊ ဇူလိုင် ၁၅

စစ်ကိုင်းတိုင်း မုံရွာမြို့မှ နမ့်တောသို့ ထွက်ခွာလာသော ကုန်တင်အမြန်ရေ ယာဉ်တစ်စီးပေါ်တွင် ပျူစောထီးများ​အတွက် ရိက္ခာကုန်ပစ္စည်းများ တင် ဆောင်လာသဖြင့် PDF တပ်များက ရှာဖွေသိမ်းဆည်း၍ အမြန်ရေယာဉ်​၏တာဝန်ခံကို ခံဝန်ကတိထိုးကာ လွှတ်ပေးခဲ့ကြောင်း ULF(တပ်ပေါင်းစု)​ မှ တာဝန်ရှိသူမှ ရန်ကုန်ခေတ်သစ်သို့ ပြောကြားသည်။

အကြမ်းဖက်စစ်တပ်၏ မင်းကင်းမြို့နယ်၊ပန်းဆက်ရွာမှ ပျူစောထီးများအတွက် ရိက္ခာကုန်ပစ္စည်းများကို အမြန်ရေယာဉ်က တင်ဆောင်လာခြင်းဖြစ်ပြီး သိမ်းဆည်းရမိသည့် ပျူစောထီးများ၏ ပစ္စည်းကို စစ်ဘေးရှောင် ပြည်သူများသို့ ပေးလှူခဲ့ကြောင်း သိရှိရသည်။

“စစ်ဘေးရှောင်တွေကို လှူလိုက်တယ်ဗျ။ အခုက နောက်ဆုံး သတိပေးပြီး ခံဝန်ကတိထိုးခိုင်းလိုက်တယ်ဗျ”ဟု ULF(တပ်ပေါင်းစု)​ မှ တာဝန်ရှိသူမှ ရန်ကုန်ခေတ်သစ်သို့ ပြောဆိုသည်။

အကြမ်းဖက်စစ်တပ်နှင် ဆက်စပ်သည့် ကုန်ပစ္စညးများ တင်ဆောင်လာမှုကို ULF(တပ်ပေါင်းစု)​ ၏ ကော်မတီဝင် Comrade Column စစ်ကြောင်း Dragon Brothers Task Force(DBTF) အဖွဲ့က သွားရောက်ဖမ်းဆီးထိန်းသိမ်းခဲ့ခြင်းဖြစ်ကြောင်း၊ ယင်းမာပင်ခရိုင်အတွင်း ချင်းတွင်းမြစ်ရိုးတစ်လျှောက် နယ်မြေစိုးမိုးရေးနှင့်တရားဥပဒေစိုးမိုးရေးကို အရှိန်အဟုန်ပြင်းစွာ ဆောင်ရွက်သွားမည်ဖြစ်ပြီး မိဘပြည်သူများ ဒေသကာကွယ်ရေးအဖွဲ့များနှင့် ပူးပေါင်းပါဝင်ကြရန်အထူးမေတ္တာရပ်ခံပန်ကြားကြောင်းလည်း ULF(တပ်ပေါင်းစု)​ မှ တာဝန်ရှိသူက ပြောကြားသည်။