တိုကျိုမြို့မှာ စစ်အာဏာရှင်ဆန့်ကျင်ရေး ဆန္ဒပြ
ရန်ကုန် | ဇူလိုင် ၂၄
ဂျပန်နိုင်ငံ ၊ တိုကျိုမြို့မှာ ဂျပန်ရောက်မြန်မာနိုင်ငံသားတွေ စုဝေးပြီး ဇူလိုင်လ ၂၃ရက်မှာ စစ်အာဏာရှင်ဆန့်ကျင်ရေး ဆန္ဒပြခဲ့ကြပါတယ်။
ဆန္ဒပြသူတွေဟာ စစ်ကောင်စီက မတရားကြိုးပေးသတ်ဖြတ်ခဲ့တဲ့ ဒီမိုကရေစီအရေးလှုပ်ရှားသူ ကိုဂျင်မီ၊ ကိုဖြိုးဇေယျာသော်၊ ကိုလှမျိုးအောင်နဲ့ ကိုအောင်သူရဇော်တို့ လေးဦးရဲ့ ဓါတ်ပုံတွေ ကိုင်ဆောင် ဆန္ဒပြခဲ့ကြပါတယ်။
ဒီကနေ့ဟာ အာဏာသိမ်းစစ်ကောင်စီက ၈၈မျိုးဆက် ကျောင်းသားခေါင်းဆောင် ကိုဂျင်မီ ၊ လွှတ်တော်အမတ်ဟောင်း ကိုဖြိုးဇေယျာသော်၊ ကိုလှမျိုးအောင်နဲ့ ကိုအောင်သူရဇော်တို့ကို မတရား ဖမ်းဆီးပြီး ကြိုးပေးသတ်ဖြတ်ခဲ့တာ ၁နှစ်ပြည့်တဲ့နေ့လည်း ဖြစ်ပါတယ်။
