မြင်းမူတွင် ဒဏ်ရာရ စစ်သားများ တင်ဆောင်လာသည့် ကားကို မိုင်းဆွဲ တိုက်ခိုက်၊ တနင်္သာရီမြို့ရှိ စစ်တပ် ဂိတ်စခန်းများကို ဝင်ရောက် တိုက်ခိုက်
ရန်ကုန်၊ ဇူလိုင် ၂၇
စစ်ကိုင်းတိုင်း၊ မြင်းမူမြို့နယ်တွင် ဒဏ်ရာရ စစ်သားများ တင်ဆောင်လာသည့် ကားကို မိုင်းဆွဲ တိုက်ခိုက်ခဲ့ကြောင်း Black Eagle Defence Force-MMU မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။
ယနေ့ ဇူလိုင်လ ၂၇ ရက်နေ့တွင် မြောင်လမ်းခွဲ၌ အထိုင်ချတပ်စွဲထားသော စစ်သား အင်အား ၅၀ ခန့်သည် မြင်းမူမြို့နယ်၊ လက္ကပင်ကျေးရွာမြောက်ဘက်သို့ ထွက်လာစဉ် ဒရုန်းဖြင့် ဗုံးကျဲတိုက်ခိုက်ခဲ့ရာ အကြမ်း ဖက်စစ်သားများ ထိခိုက်ဒဏ်ရာရရှိခဲ့ကြောင်း၊ ယင်းဒဏ်ရာရ စစ်သားများကို မွန်းလွဲ ၃ နာရီခန့်၌ မြင်းမူ ဆေးရုံသို့ ပို့ဆောင် စဉ် အလ္လကပ္ပကျေးရွာနှင့်ဝမ်းပြည့်ကျေးရွာအရောက် ပဒေသာမိုင်း ၂ လုံးဖြင့် ဖောက် ခွဲ တိုက်ခိုက်ခဲ့ကြောင်း သိရသည်။
ထို့သို့မိုင်းဆွဲတိုက်ခိုက်မှုကြောင့် ကားကို ထိထိမိမိထိမှန်ခဲ့ပြီး စုတ်ပြတ်သွားကာ ကားပေါ်ပါ စစ်သားများမှာ သေဆုံးခဲ့ပြီး မြင်းမူမြို့အနောက် သုဿန်သို့ ဝင်ရောက်ကာ အလောင်းများကို မီးရှို့သင်္ဂြိုလ် လိုက်သည်ဟု သိရှိရသော်လည်း အကြမ်းဖက်စစ်သား မည်မျှသေဆုံးသည်ကို အတည်မပြုနိုင်သေးကြောင်း သိရှိရသည်။
အဆိုပါတိုက်ခိုက်မှုများကို Black Eagle Defence Force-MMUအဖွဲ့မှ ဦးဆောင်ပြီး မြင်းမူပကဖ ၊ People’s Defence Force Myinmu – MMU PDF တို့ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ ကာကွယ်ရေးတပ်ဖွဲ့ဝင်များအထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
ထို့ပြင် တနင်္သာရီတိုင်း၊ မြိတ်ခရိုင်၊ တနင်္သာရီတံတားကင်းဂိတ်နှင့် လက်နက်ကြီးပစ်ကူပေးသော ဗောဓိကမ်း တံတားဂိတ်ကို ပစ်ခတ်တိုက်ခိုက်ခဲ့ရာ အကြမ်းဖက် စစ်တပ်က လက် နက်ကြီးဖြင့် ရမ်းသမ်းပစ်ခတ်မှုကြောင့် ပြည်သူ ၂ ဦးဒဏ်ရာရရှိခဲ့ကြောင်း တနင်္သာရီမြို့နယ်ပြည်သူ့ကာ ကွယ်ရေး အ ဖွဲ့- ပကဖထံမှ သိရသည်။
ယမန်နေ့ ဇူလိုင်လ ၂၆ ရက် မွန်းတည့် ၁၂ နာရီ ၄၅ မိနစ်အချိန်တွင် တနင်္သာရီမြို့ ၊ အကြမ်းဖက်စစ် ကောင်စီတပ်သားများတပ်စွဲထားရာ တနင်္သာရီတံတားကင်းဂိတ်နှင့် လက်နက်ကြီးအကူပစ်ပေးသော ဗောဓိကမ်း တံတားဂိတ်တို့ကို တနင်္သာရီမြို့နယ် ပြည်သူ့ကာကွယ်ရေးအဖွဲ့(ပ.က.ဖ)တပ်ဖွဲ့ဝင်များမှ ပစ် ခတ်တိုက်ခိုက်ခဲ့ရာ အကြမ်းဖက်စစ်သား ထိခိုက်သေဆုံးမှု စုံစမ်း နေဆဲဖြစ်ကြောင်း၊ ဗောဓိကမ်း တံ တားအနီးမှ လက်နက်ကြီးဖြင့်ရမ်းသမ်းပစ်ခတ်ခဲ့ရာ ပြည်သူနှစ်ဦး ထိခိုက် ဒဏ်ရာရရှိခဲ့ကြောင်း သိရ သည်။
