Khit Thit သတင်းဌာန၏ ဇူလိုင် ၂၉ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဇူလိုင် ၂၉ ရက် ညနေပိုင်းတင်ဆက်ပေးမယ့်သတင်းတွေကတော့
-စစ်ကိုင်းတိုင်း၊ ချောင်းဦးမြို့နယ်မှာ အကြမ်းဖက် စစ်ကောင်စီလက်အောက်ခံ မြို့နယ်ရဲတပ်ဖွဲ့က ဒုတပ်ကြပ် ရဲမေတစ်ဦး နဲ့ မြို့နယ်ရဲစခန်းက စာရေးမတစ်ဦးတို့ကို PDF တပ်ဖွဲ့တွေကနေ နေအိမ်ထဲအထိ ဝင်ရောက်ဖမ်းဆီးသွားတယ်လို့ ရဲကြေးနန်းအရ သိရပါတယ်။
-စစ်ကိုင်းတိုင်း၊ ဘုတလင်မြို့နယ်၊ ရွာသာရွာ နဲ့ ကြက်ရိုးကုန်း-ကျေးရွာ အကြားမှာ စစ်ကောင်စီတပ်နဲ့ တော်လှန်ရေးအင်အားစု တပ်ဖွဲ့တွေကြား တိုက်ပွဲဖြစ်ပွားရာမှာ ဒုဗိုလ်အဆင့်ရှိသူတစ်ဦးအပါအဝင် ၄ ဦးသေသွားတယ်လို့ ကျောင်းသား လက်ရုံးတပ်တော် ရဲ့ တာဝန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။
– အကြမ်းဖက် စစ်တပ်က အာဏာသိမ်းပြီးနောက် မြန်မာနိုင်ငံမှာ အလုပ်အကိုင် ရရှိမှုတွေ ကျဆင်း သွားပြီး အလုပ်သမားတွေရဲ့ အနာဂတ်ဟာ မရေမရာ အခြေအနေမှာ ရှိနေတဲ့အပြင် လူမှုစီးပွား ကမောက်ကမ ဖြစ်နေတယ်လို့ အပြည်ပည်ဆိုင်ရာ အလုပ်သမားအဖွဲ့ ILO ကနေ သတိ ပေးလိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
