MRI တပ်ဖွဲ့မှ အာဇာနည် သူရဲကောင်း ရဲဘော် မူမူနှင့် ကျဆုံးခဲ့ပြီးသော အာဇာနည်သူရဲကောင်းများ အတွက် ဝါဆိုသင်္ကန်းဆက်ကပ် လှူဒါန်း
ရန်ကုန်၊ ဩဂုတ် ၁
Monywa Roads Information – MRI တပ်ဖွဲ့မှ အာဇာနည်သူရဲကောင်း ရဲဘော်မူမူနှင့် ကျဆုံးခဲ့ပြီးသော အာဇာနည်သူရဲ ကောင်းများအတွက် ရည်စူးကာဝါဆိုသင်္ကန်းဆက်ကပ်လှူဒါန်း ခဲ့ကြောင်း အဖွဲ့တာဝန်ရှိ သူတစ်ဦးက ရန်ကုန်ခေတ်သစ်သ တင်းဌာနထံသို့ ပြောကြားသည်။
ယနေ့ ဩဂုတ်လ ၁ ရက်နံနက်ပိုင်းတွင် လွန်ခဲ့သော ၄ လပိုင်းက ကျဆုံးခဲ့သည့် အာဇာနည်သူရဲကောင်း ရဲဘော်မူမူ နှင့်တကွ ကျဆုံးခဲ့ပြီးသော သူရဲကောင်းအပေါင်းတို့ ကောင်းမွန်ရာဘုံဘဝရောက်ရှိကြစေရန် ရည်စူးပြီး ဆရာတော်သံဃာတော်အပေါင်းအား ဝါဆိုသင်္ကန်း၊ ဆွမ်း၊ ဝတ္ထုအစုစုတို့ကို လှူဒါန်းခဲ့ပြီး ရေစက်ချအမျှ ပေးဝေခဲ့ခြင်းဖြစ်ကြောင်း သိရသည်။
ရဲဘော်မူမူ၏ တော်လှန်စိတ်အားထက်သန်မှုများနှင့်မပြီးပြတ်သေးသော တာဝန်များကို ကျန်ရှိနေသော တပ်ဖွဲ့ဝင်များမှ ပြီး ဆုံးသည့်တိုင်အောင် ဆက်လက်ထမ်းဆောင်သွားမည်ဖြစ် ကြောင်း Monywa Roads Information – MRI အဖွဲ့သားများမှ ကတိသစ္စာပြုထားသည်။
