Khit Thit သတင်းဌာန၏ ဩဂုတ် ၃ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဩဂုတ် ၃ ရက် ညနေပိုင်းတင်ဆက်ပေးမယ့်သတင်းတွေကတော့
– စစ်ကိုင်းတိုင်း၊ ကနီမြို့နယ်က အကြမ်းဖက် စစ်ကောင်စီရဲ့ ကနီမြို့မ-ရဲစခန်းအတွင်းမှာ စခန်းမှူး-ထွန်းမြင့်ရဲ့ မွေးနေ့ပွဲကျင်းပနေတဲ့အချိန် ပြည်သူ့ကာကွယ်ရေးတပ်ဖွဲ့တွေကနေ မောင်းသူမဲ့လေယာဉ်ငယ် နဲ့ ဗုံးကျဲတိုက် ခိုက်ရာမှာ မွေးနေ့ရှင်-စခန်းမှူးထွန်းမြင့် နဲ့ နယ်ထိန်း ဆန်းဌေးတို့ ၂ ဦး သေသွားတယ်လို့ ကျောက်လုံးကြီး KLG တပ်မဟာရဲ့ တာဝန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။
– ရှမ်းပြည်နယ်၊ မူဆယ်မြို့နယ် နဲ့ လားရှိုး မြို့နယ်တွေမှာ TNLA တပ်နဲ့ အကြမ်းဖက် စစ်ကောင်စီတပ်အကြား တိုက်ပွဲ အပြင်းအထန် ဖြစ်ပွားနေတယ်လို့ TNLA သတင်းနှင့်ပြန်ကြားရေးဌာနကနေ ထုတ်ပြန်ထားပါတယ်။
– တနင်္သာရီတိုင်း၊ လောင်းလုံးမြို့နယ်မှာ ၂ ရက်ဆက် တိုက်ပွဲပြင်းထန်ခဲ့ရာမှာ အကြမ်းဖက် စစ်ကောင်စီ ဘက်က ၁၀ ဦးဝန်းကျင် သေသွားတဲ့အပြင် ၊ ဗိုလ်ကြီး ၁ ဦးအပါအဝင် အယောက် ၂၀ ကျော် ဒဏ်ရာ ရသွားပြီး ၊ PDF ရဲ့ဘော် ၃ ဦးလည်း မြင့်မြတ်စွာ အသက်ပေးလှူခဲ့ရတဲ့ သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
