လားရှိုးမြို့၊ Lashio Sunny Hotelတွင် ဗုံးပေါက်ကွဲပြီး မီးလောင်
ရန်ကုန်၊ ဩဂုတ် ၆
ရှမ်းပြည်နယ်၊ လာရှိုးမြို့၊ Lashio Sunny Hotel တွင် ယနေ့ နံနက်ပိုင်း ဗုံးပေါက် ကွဲကြောင်း လားရှိုးဒေသခံများက ပြောဆိုကြသည်။
ဩဂုတ်လ ၆ ရက်နေ့ နံနက် ၁၀ နာရီ ၃၀ မိနစ်ဝန်းကျင်တွင် လားရှိုးဆန်နီ ဟိုတယ်တွင် ဗုံးပေါက်ကွဲခြင်းဖြစ်ကြောင်း၊ ဗုံး ၂ လုံးဆင့်၍ ပေါက်ကွဲကြောင်း၊ လူထိခိုက်မှု ရှိ၊ မရှိ မသိရသေးကြောင်း ဒေသပြည်သူတစ်ဦးက ဆိုသည်။
“သိန်းထိုက် ရုပိရှင်ရုံ အနောက်က ဟော်တယ်မှာ ဗုံးပေါက်တာ။ အဲဒီဟို တယ်က ဖွင့်ထားတာ ၃ နှစ်၊ ၄ နှစ်လောက်တော့ရှိမယ်ထင်တယ်။ ဗုံးကွဲသံ တော့ အကျယ်ကြီးကြားရတယ်။ ပြီးတော့ မီးခိုးတွေ ထွက်လာတယ်။ မီးသတ် ကားတွေလည်းလာတယ်” ဟု လားရှိုးဒေသပြည်သူက ရှင်းလင်းပြောဆိုသည်။
