ဖြူးမြို့နယ်၊ ညောင်ပင်သာရဲစခန်းကို ဝင်ရောက်တိုက်ခိုက်မှု ရဲ ၂ ဦးသေဆုံး၊မန္တလေးမြို့ရှိ ယာဉ်ထိန်းရဲလိုင်းခန်းနှင့် ရပ်ကွက်ရုံးတစ်ရုံးကို ဗုံးခွဲတိုက်ခိုက်
ရန်ကုန်၊ ဩဂုတ် ၁၁
ပဲခူးတိုင်း၊ ဖြူးမြို့နယ်၊ ညောင်ပင်သာရဲစခန်းကို ဝင်ရောက်တိုက်ခိုက်ခဲ့ရာ ရဲ ၂ ဦးသေဆုံးပြီး ၄ ဦး ဒဏ်ရာ ရရှိခဲ့ကြောင်း NUG ကာကွယ်ရေးဝန်ကြီးဌာနထံမှ သိရသည်။
ဩဂုတ်လ ၉ ရက်နေ့ မွန်းလွဲ ၁ နာရီ မိနစ် ၂၀ ခန့်အချိန် ဖြူးမြို့နယ်၊ ညောင် ပင် သာရဲစခန်းကို ရိုးမစစ်ကြောင်း ၁ ၊ တပ်ခွဲ ၃ ၊ အာဠာဝက စစ်ကြောင်းနှင့် ဖြူးမြို့ နယ် ပကဖ ပူးပေါင်းစစ်ကြောင်းက ဝင်ရောက်ပစ်ခတ်တိုက်ခိုက် ခဲ့ခြင်းဖြစ်ပြီး အကြမ်းဖက်စစ်တပ် လက်အောက်ခံ ရဲ ၂ ဦး ပွဲချင်းပြီးသေဆုံးကာ ရဲ ၄ ဦးဒဏ်ရာရရှိခဲ့ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
အလားတူ မန္တလေးမြို့ပေါ်ရှိ ယာဉ်ထိန်းရဲလိုင်းခန်းတစ်ခုနှင့် ရပ်ကွက်ရုံး တစ်ရုံးကို ဗုံးခွဲ တိုက်ခိုက်ခဲ့ကြောင်း No More Dictatorship People Defense Force – NMD တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာနထံသို့ ပြောကြားသည်။
ဩဂုတ်လ ၉ ရက် နံနက် ၁၀ နာရီခန့်က အောင်မြေသာဇံမြို့နယ်၊ ၈၂ လမ်း၊ ၁၈ လမ်းနှင့် ၁၉ လမ်းကြား ရှိ အကြမ်းဖက်စစ်တပ်ထောက်တိုင် ယာဉ်ထိန်းရဲ လိုင်း ခန်းကို ဒုတိယအကြိမ်အဖြစ် ဗုံးခွဲတိုက်ခိုက်ခဲ့ရာ ထိခိုက်ပျက်စီးမှုကို အတည် ပြုနိုင်ရန် စုံစမ်းနေဆဲဖြစ်ကြောင်း၊ ဖောက်ခွဲတိုက်ခိုက်မှုအပြီး အကြမ်းဖက် စစ်သား၊ ရဲများမှ မြောက်ပြင်ဖက်ခြမ်းအပါအဝင် တစ်မြို့လုံးအတိုင်းအတာဖြင့် စစ်ဆေးခဲ့ကြောင်း သိရ သည်။
အကြမ်းဖက်စစ်ကောင်စီတပ်အတွက် ရန်ပုံငွေရှာပေးရန် အပြစ်မရှိ အပြစ်ရှာ ပြည်သူလူထုထံမှ ငွေညှစ်ရာတွင် အဓိကပါဝင်နေသဖြင့် အဆိုပါယာဉ် ထိန်းရဲ များ လိုင်းခန်းကို ဖောက်ခွဲတိုက်ခိုက်ခဲ့ခြင်း ဖြစ်ကြောင်း၊ ယာဉ်ထိန်းရဲများ အပြင်ထွက် ငွေညှစ်နေချိန် ဖောက်ခွဲတိုက်ခိုက်ခဲ့ခြင်းဖြစ်ကြောင်း၊ မိဘပြည် သူများအနေဖြင့်လည်း တော်လှန်ရေး အသိ၊ သတိဖြင့် သွားလာနေထိုင် ကြစေလိုကြောင်း No More Dictatorship People Defense Force – NMD တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
အလားတူ ယမန်နေ့ ဩဂုတ်လ ၁၀ ရက် ညနေ ၄ နာရီခန့်က မဟာအောင်မြေမြို့နယ်၊ ၃၆ လမ်း၊ လမ်း ၇၀ နှင့် ၇၁ လမ်းကြားရှိ မဟာနွယ်စဉ် ရပ်ကွက်ရုံးကို လက်ပစ်မိုင်းဖြင့်ဖောက်ခွဲတိုက်ခိုက်ခဲ့ကြောင်း သိရသည်။
အဆိုပါရုံးအားဖောက်ခွဲတိုက်ခိုက်ချိန်တွင် ရပ်ကွက်ရုံးအတွင်း၌ အုပ်ကြီး၊ ပျူ၊ သတင်းများရှိနေပြီး ၎င်း တို့၏ ကားတစ်စီးလည်း ရပ်ထားကြောင်း၊ ထိခိုက် ပျက် စီးမှုသိရှိနိုင်ရန် စုံစမ်းနေဆဲဖြစ်ကြောင်း သိရ သည်။
ပြည်သူများအနေဖြင့် အကြမ်းဖက်စစ်ကောင်စီ ယန္တရားလည်ပတ်နိုင်အောင် ကူညီထောက်ပံ့ပေးနေ သော ရုံးများ၊ အကြမ်းဖက်စစ်သား၊ ရဲများ၊ လှည့်ကင်း စစ်သား၊ အထိုင်ကင်းရုံများနှင့် ဝေးဝေးနေထိုင်ကြ ရန်၊ CCTV များကိုလည်း လမ်းဖက်သို့ လှည့်မထားခြင်းဖြင့် တော်လှန်ရေးကို ပူးပေါင်းကူညီပေးကြပါရန် မေတ္တာရပ်ခံထားသည်။
ဓာတ်ပုံ- ရန်ကုန်တွင် လုံခြုံရေးတင်းကျပ်ထားသည့် အကြမ်းဖက် စစ်ကောင်စီ ရဲတပ်ဖွဲ့ဝင်များ။ (ပုံအဟောင်းဖြစ်ပါသည်။)
Photo- AP
