ကျုံဒိုးမြို့နယ်၊ ကရင်ကျောက်ဖျာရွာကို စစ်တပ်က လက်နက်ကြီးဖြင့် ပစ်ခတ်မှု ပြည်သူ ၂ ဦး ပြင်းထန်းဒဏ်ရာရပြီး နေအိမ်နှင့် ပစ္စည်းများ ပျက်စီး
ရန်ကုန်၊ သြဂုတ် ၁၄
ကရင်ပြည်နယ်၊ ကျုံဒိုးမြို့နယ်၊ ကရင်ကျောက်ဖျာရွာကို အကြမ်းဖက် စစ်တပ်က လက်နက်ကြီးဖြင့် ပစ်ခတ်သောကြောင့် ပြည်သူ ၂ ဦး ပြင်းထန်းဒဏ်ရာရပြီး နေအိမ်နှင့် ပစ္စည်းများ ပျက်စီးခဲ့ကြောင်း ကေအဲန်ယူ – ဒူးပလာယာ ခရိုင်က ထုတ်ပြန်ထားသည်။
သြဂုတ်လ ၁၂ ရက်နေ့ နံနက် ၁၀ နာရီခန့်တွင် အကြမ်းဖက် စစ်တပ်၏ ခမရ-၅၄၅ မှ ၁၂၀ မမ လက်နက်ကြီးများဖြင့် ကျုံဒိုးမြို့နယ်၊ ကရင်ကျောက်ဖျာရွာကို ပစ်ခတ်ခဲ့သောကြောင့် အသက် ၅၃ နှစ်အရွယ် နော်ချစ်သန်း ညာဖက်လက် တစ်ဖက်လုံးကြေမွ ပြင်းထန်ဒဏ်ရာရပြီး အသက် ၆၉ နှစ်အရွယ် ဦးတလက်မ ဘယ်ဖက် ပုခုံးစွန်း ထိမှန်ဒဏ်ရာ ရရှိခဲ့ကြောင်း သိရသည်။
အဆိုပါ လက်နက်ကြီးကျည် ကျရောက်မှုကြောင့် ကရင်ကျောက်ဖျာရွာနေ အသက် ၆၅ နှစ်အရွယ် ဒေါ်မယ်ကြည်၏ နေအိမ် ၁ လုံး ထိမှန် ပျက်စီးခဲ့ပြီး အသက် ၆၀ နှစ်အရွယ် ဦးညိမ်၏ လယ်ထွန်စက် ၁ စီး လည်း ကျည်စထိမှန်ခဲ့ကြောင်းကြောင်း သိရှိရသည်။
