နေပြည်တော်၊ ပျဉ်းမနားမြို့နယ်၊ ဘိုမသံတောင်စစ်တပ်စခန်းကို တိုက်ခိုက် သိမ်းပိုက်မှု သေနတ် ၉ လက် သိမ်းဆည်းရရှိ၊ စစ်တပ်ဘက်မှ သေဆုံးမှု များပြားပြီး PDF ၃ ဦးကျဆုံး
ရန်ကုန်၊ ဩဂုတ် ၁၅
နေပြည်တော်ကောင်စီနယ်မြေနယ်၊ ပျဉ်းမနားမြို့နယ်၊ ဘိုမသံတောင်စ ခန်းကို ဝင်ရောက်တိုက်ခိုက်သိမ်းပိုက်ခဲ့ရာ သေနတ် ၉ လက်သိမ်းဆည်းရရှိပြီး ယင်းစခန်းသိမ်းတိုက်ပွဲ အ ပါအဝင် ၃ ရက် အတွင်း စစ်သား ၅၀ ထက်မနည်း သေဆုံးခဲ့ကာ PDF တပ်ဖွဲ့ဝင် ၃ ဦးကျဆုံးခဲ့ကြောင်း အလယ်ပိုင်း တိုင်း PKS-PDF 1004 တပ်ရင်းမှ သတင်းနှင့်ပြန်ကြားရေးတာဝန်ခံက ရန် ကုန်ခေတ်သစ်သတင်းဌာနထံသို့ ပြောကြားသည်။
ဩဂုတ်လ ၁၀ ရက် နံနက် ၆ နာရီ ၄၉ မိနစ်တွင် အင်အား ၂၀ ခန့်ဖြင့် တပ်စွဲထား သော ပျဉ်းမနားမြို့နယ်၊ ဘိုမသံတောင်ရှိ အကြမ်းဖက် စစ်ကောင် စီ၏ ခမရ ၄၁၁ တပ် စခန်းကို ပြည်သူ့ကာကွယ်ရေးတပ်ဖွဲ့ဝင်များမှ ဝင်ရောက်စီးနင်းတိုက်ခိုက်ခဲ့ရာ ၁၅ ဦးထက်မနည်းသေဆုံးပြီး ၃ ဦးမှာ စခန်းမှ ထွက်ပြေးလွတ်မြောက်သွား ကြောင်း၊ စခန်းသိမ်းပိုက်ပြီးနောက် နံနက် ၉ နာရီနှင့် ၁၀ နာရီကြား၌ တပ်မ ၆၀၆ မှ စစ်ကူ တစ်စီး ဆင်း လာရာ ယင်းစစ်ကူကားကို လက်လုပ်မိုင်း၊ လက်နက်ငယ်များဖြင့် ဖြတ်တောက် တိုက်ခိုက်ခဲ့ရာ အကြမ်းဖက် စစ်သား ၄ ဦးသေဆုံးပြီး ၅ ဦးဒဏ်ရာရရှိခဲ့ပြီး ပြန်ဆုတ်ပြေးသွားကြောင်း သိရသည်။
“သတင်းအရတော့ အဲဒီစခန်းမှာက ၂၀ လောက်ရှိတာ၊ သွားတိုက်တဲ့အချိန်မှာ ၁၅ ဦးလောက်သေတာ တွေ့ရတယ်၊ ၃ ယောက်ကတော့ ထွက်ပြေးလွတ်မြောက်သွားတယ်၊ စခန်းသိမ်းပြီး ပြန်ဆုတ်လာတဲ့ အချိန်မှာ ကျနော်တို့ပြန်ပြီးတော့ တိုက်ခိုက်တယ်၊ ပြန်လည်ပစ်ခတ်မှုလုပ်သေးတာပေါ့၊ လုပ်တဲ့အချိန်မှာ ကျနော်တို့ဘက်ကလည်း ပြန်ပစ်တဲ့အချိန်မှာ တစ်ဦးထပ်ပြီးဒဏ်ရာရသွားတယ်၊ စခန်းသိမ်းတိုက်ပွဲမှာ ကျနော်တို့ဘက်က နှစ်ယောက်ကျဆုံးခဲ့တာ၊ ၄ ယောက်ဒဏ်ရာရတဲ့အထဲမှာမှ ၂ ယောက်က ပြင်းထန် ဒဏ်ရတယ်၊ တစ်ယောက်က စိုးရိမ်ဒဏ်ရာနဲ့ ပြန်လည်သယ်ဆောင်တဲ့အချိန်မှာပဲလမ်းမှာ ကျဆုံးခဲ့ရတာ” ဟု အလယ်ပိုင်း တိုင်း PKS-PDF 1004 တပ်ရင်းမှ သတင်းနှင့်ပြန်ကြားရေးတာဝန်ခံက ရန်ကုန်ခေတ်သစ် သတင်းဌာနထံသို့ ပြောကြားသည်။
ဩဂုတ်လ ၁၀ ရက်နေ့ နေ့လည် ၁ နာရီဝန်းကျင်ခန့်တွင် စစ်ကူကားများ ထပ်မံဆင်းလာရာ နန်းနေဆန်း အကျော်၌ ရှေ့ထွက် လက်လုပ်မိုင်းဖြင့် ဖောက်ခွဲတိုက်ခိုက်ခဲ့ကြောင်း၊ အကြမ်းဖက်စစ်သားများ ထိခိုက်သေဆုံး မှုရှိပြီး အရေ အတွက်အတိအကျ မသိရကြောင်း၊ ဩဂုတ်လ ၁၁ ရက်နံနက် ၆ နာရီခန့်အချိန် ဒဏ်ရာရ PDF ရဲဘော်များကို ဘိုမတွင် ဆေးကုသနေစဉ် စစ်တပ်က အင်အား ၃၅ ဦးဖြင့် စစ်ကြောင်းထိုးလာကြောင်း၊ ယင်းနောက် အကြမ်းဖက် စစ် တပ်နှင့် PDF ရှေ့ ကင်းတပ်ဖွဲ့တို့ ထိတိုက်ရင်ဆိုင်တိုက်ပွဲဖြစ်ပြီး မိနစ် ၃၀ ခန့်အကြာ တိုက်ပွဲဖြစ်ခဲ့ကြောင်း သိရသည်။
အလားတူ ပျဉ်းမနားမြို့နယ်၊ အလယ်ချောင်းအုပ်စု၊ တောင်မြင့်ရေပူတောင်နှင့် တောင်မြင့်ရွာမကြားတွင် ပြည်သူ့ကာကွယ်ရေးတပ်ဖွဲ့ဝင်များနှင့် အကြမ်းဖက်စစ်ကောင်စီတပ်တို့ကြား ၁ နာရီခန့် ထပ်မံတိုက်ပွဲဖြစ်ခဲ့ ရာ အကြမ်းဖက်စစ်သား ၁၀ ဦးမနည်းသေဆုံးပြီး ၁၀ ဦးကျော်ဒဏ်ရာရရှိခဲ့ကြောင်း သိရှိရသည်။
ထို့ပြင် ဘိုမသံတောင် စခန်းရှိ ဒဏ်ရာရ စစ်သားများနှင့် တိုက်ပွဲအတွင်း ဒဏ်ရာရ စစ်သားများကို ကားတစ်စီးပေါ်တင်ကာ သယ် ဆောင်လာသည့် အကြမ်းဖက်စစ်ကြောင်းကို ဆိတ်ဖြူတောင်ရွာထိပ်အရောက်ရှေ့ထွက်မိုင်းဖြင့် ထပ်မံ တိုက်ခိုက်ခဲ့ရာ အကြမ်းဖက်စစ်သားများ ထိခိုက်သေဆုံးမှုရှိသော်လည်း အတိအကျမသိရသေးကြောင်း သိရ သည်။
“တိုက်ပွဲဖြစ်နေရင်းနဲ့ပဲလူနာကို အဓိကဆွဲထုတ်လိုက်တဲ့အချိန်မှာ ပျဉ်းမနားမြို့နယ်၊ အလယ်ချောင်း အုပ်စု၊ တောင်မြင့်ရေပူတောင်နဲ့ တောင်မြင့်ရွာမကြားမှာ ကျနော်တို့ကို လမ်းကြောင်းပိတ်ပေးတဲ့ ကျနော်တို့ရဲ့ တပ်ဖွဲ့တွေနဲ့ စစ်တပ်နဲ့ ၁ နာရီကျော်ကျော်လောက်ထပ်မံတိုက်ပွဲဖြစ်ခဲ့တယ်၊ အဲဒီမှာတွေ့လိုက်ရတာကတော့ စစ်သား ၁၀ ယောက်ထက်မနည်းကျဆုံးတယ်၊ ၁၀ ယောက်ထက်မနည်းလည်း ထိခိုက်ဒဏ်ရာတွေရရှိတယ်၊ ၁၁ ရက်နေ့ မှာ ပဲ တိုက်ပွဲ ၂ နှစ်ပွဲဖြစ်ပွားခဲ့တာ။ အဲဒီ ၁၁ ရက်နေ့မှာပဲ ဘိုမသံတောင်မှာရှိတဲ့ ဒဏ်ရာရတဲ့သူတွေရော၊ ကျနော်တို့ကြားဖြတ်တိုက်ခိုက်လိုက်လို့ ဒဏ်ရာတဲ့သူတွေရော အဲဒီလူနာတွေကို ကားတစ်စီးနဲ့ တင်ဆင်းပြီး တော့မှ ဆိတ်ဖြူတောင်ရွာထိပ်နားလေးမှာ နောက်ထပ် ရှေ့ထွက်မိုင်းထပ်ဆွဲလိုက်တာ၊ အဲဒီမှာကတော့ ဘယ်နှစ်ဦးဒဏ်ရာတယ်၊ ဘယ်နှစ်ဦးသေဆုံးတယ်ဆိုတာ အတိအကျမသိလိုက်ဘူး၊” ဟု PKS-PDF 1004 တပ်ရင်းမှ သတင်းနှင့်ပြန်ကြားရေးတာဝန်ခံက ရန်ကုန် ခေတ်သစ်သတင်းဌာနထံသို့ ပြောဆိုသည်။
ဩဂုတ်လ ၁၂ ရက်နေ့တွင် နေပြည်တော်ကောင်စီနယ်မြေ၊ ပျဉ်းမနားမြို့နယ်၊ ဘိုမအုပ်စုဘက်သို့ အင်အား ၈၅ ဦး ဖြင့် စစ်တပ်က စစ်ကြောင်းထပ်မံထိုးလာရာ ရေပူတောင်၌ ထပ်မံတိုက်ပွဲဖြစ်ပွားခဲ့ကြောင်း၊ အကြမ်းဖက်စစ်သား ၅ ဦးထက်မနည်းသေဆုံးပြီး ၅ ဦးကျော်ဒဏ်ရာရရှိခဲ့ကြောင်း သိရသည်။
အဆိုပါတိုက်ခိုက်မှုများကို PKS-PDF 1004 တပ်ရင်းနှင့် သံတောင်မြောက်ပိုင်း အထူးဒေသ ၂ တပ်ဖွဲ့တို့ ပူး ပေါင်းတိုက်ခိုက်ခဲ့ခြင်းဖြစ်ပြီး ဩဂုတ်လ ၁၀ ရက်နေ့မှ ၁၂ ရက်နေ့အထိ တိုက်ပွဲ ၇ ကြိမ်ဖြစ်ပွားခဲ့ကြောင်း၊ အ ကြမ်း ဖက် စစ်သား ၅၀ ဦး ထက်မ နည်း သေဆုံးပြီး ၄၀ ဦးထက်မနည်း ထိ ခိုက်ဒဏ်ရာ ရရှိခဲ့ကြောင်း၊ အကြမ်းဖက်စစ်သားများ အသုံးပြုသော သေနတ် ၉ လက်၊ လက်ပစ်ဗုံး၊ ကျည်ဘောက်၊ စကားပြော စက် နှင့်ကျည်ဆံအချို့ သိမ်းဆည်း ရရှိခဲ့ကြောင်း၊ ပြည်သူ့ ကာကွယ်ရေးတပ်ဖွဲ့ဘက်မှ ၃ ဦး ကျ ဆုံး ပြီး တစ်ဦး အပြင်းအထန်ဒဏ်ရာ နှင့် ၂ ဦးသာမန် ဒဏ်ရာ ရရှိခဲ့ကြောင်း PKS-PDF 1004 တပ်ရင်းမှ သတင်းနှင့်ပြန် ကြား ရေးတာဝန်ခံက ရန် ကုန်ခေတ်သစ်သတင်းဌာနထံသို့ ပြောကြားသည်။
ဩဂုတ်လ ၁၃ ရက်နေ့တွင် စစ်ကောင်စီတပ်၏ တိုက်လေယာဉ်များက ပျဥ်းမနားမြို့နယ်အရှေ့ဘက် ဘိုမအထက်ကျေးရွာကို ဗုံးကျဲချသဖြင့် နေအိမ် အများအပြား ပျက်စီးသွားကြောင်း သိရှိရသည်။
ဓာတ်ပုံ- နေပြည်တော်၊ ပျဉ်းမနားမြိုနယ်၊ ဘိုမသံတောင် စစ်တပ်စခန်းကို တိုက်ခိုက်သိမ်းပိုက်ရရှိမှုတွင် သေဆုံးသွားကြသည့် စစ်ကောင်စီတပ်ဖွဲဝင်များ။
