ကမ္ဘာ့ဒုတိယအကြီးဆုံး ဖက်ရှင်အထည်များ ရောင်းချသည့်ကုမ္ပဏီ H&M က မြန်မာ နိုင်ငံမှ ထွက်ခွာမည်ဖြစ်ကြောင်း တရားဝင် ကြေညာ
ရန်ကုန်၊ ဩဂုတ် ၁၈
ကမ္ဘာ့ဒုတိယအကြီးဆုံး ဖက်ရှင်အထည်များ ရောင်းချသည့်ကုမ္ပဏီ H&M က မြန်မာနိုင်ငံမှ ၎င်း၏ လုပ်ငန်းများကို တဖြည်းဖြည်း ထွက်ခွာမည်ဖြစ်ကြောင်း ဩဂုတ်လ ၁၇ ရက်နေ့တွင် ရိုက်တာသတင်းဌာနသို့ တရားဝင် ပြောဆို ကြေ ညာလိုက် သည်။
မြန်မာနိုင်ငံတွင် အကြမ်းဖက်စစ်ကောင်စီက အုပ်ချုပ်နေချိန် အထည်ချုပ် စက်ရုံ များတွင် ကျူးလွန်ဖြစ်ပွားနေသော အလုပ်သမားအခွင့်အရေးချိုးဖောက် ခေါင်းပုံဖြတ်မှုများနှင့် ဖိနှိပ်မှုများကြောင့် H&M သည် မြန်မာနိုင်ငံမှ ထွက် ခွာရန် ဆုံးဖြတ်ခြင်းဖြစ်ကြောင်း၊ လက်ရှိတွင် အလုပ်သမားအခွင့် အရေး ချိုး ဖောက်မှု ၂၀ ကို စုံစမ်းနေကြောင်း၊ H&M သည် မြန်မာနိုင်ငံမှ ထွက်ခွာ မည့် နောက်ဆုံးဖက်ရှင် အထည်လုပ်ငန်းအမှတ်တံဆိပ် ဖြစ်လာပြီး ရှေ့တွင် Zara ၏ Inditex (ITX.MC)၊ Primark (ABF.L)၊ Marks & Spencer (MKS.L) အပါအဝင် နိုင်ငံခြားကုမ္ပဏီကြီးများက မြန်မာနိုင်ငံမှ အသီးသီး ထွက်ခွာခဲ့ကြ ပြီးဖြစ်သည်။
“သေချာစဉ်းစားပြီးမှ မြန်မာနိုင်ငံမှာ ကျနော်တို့ရဲ့ လုပ်ငန်းတွေကို တဖြည်း ဖြည်း ချင်း ရပ်ဆိုင်းဖို့ ဆုံးဖြတ်ချက်ကို ချမှတ်လိုက်ပါပြီ။ မြန်မာနိုင်ငံမှာ နောက်ဆုံးဖြစ်ပေါ်တိုးတက်မှုတွေကို အနီးကပ် စောင့်ကြည့်နေပါတယ်။ မြန်မာနိုင်ငံမှာ ကျနော်တို့ရဲ့ စံချိန်စံညွှန်းနဲ့ လိုအပ်ချက်တွေနဲ့အညီ လုပ်ငန်း ဆောင်ရွက်ဖို့ စိန်ခေါ်မှုတွေ တိုးလေနေတာကို တွေ့ရပါတယ်” ဟု H&M က Reuters သို့ ပြောဆိုလိုက်သည်။
