ကော့ကရိတ်မြို့နယ်တွင် တိုက်ပွဲဖြစ်ပွားပြီး စစ်သား ၆ ဦးသေဆုံး
ရန်ကုန်၊ သြဂုတ် ၂၁
ကရင်ပြည်နယ်၊ ကော့ကရိတ်မြို့နယ်တွင် တိုက်ပွဲဖြစ်ပွားပြီး စစ်သား ၆ ဦးသေဆုံးခဲ့ကြောင်း NUG ကာကွယ်ရေး ဝန်ကြီးဌာနက ထုတ်ပြန်ထားသည်။
ဩဂုတ်လ ၁၆ ရက်နေ့ နံနက် ၈ နာရီမှ ၉ နာရီခန့် ကော့ကရိတ်မြို့နယ်၊ ရွာသစ်ကုန်းရွာနှင့် ကျောက်ပုံရွာ အကြားတွင် အကြမ်းဖက် စစ်တပ် နှင့် ပြည်သူ့ကာကွယ်ရေးတပ်မတော် PDF ကျားဖြူစစ်ကြောင်းတို့ တိုက်ပွဲဖြစ်ပွားခဲ့ကြောင်း သိရသည်။
ထိတွေ့တိုက်ပွဲအတွင်း အကြမ်းဖက် စစ်တပ်ဘက်မှ စစ်သား ၆ ဦး သေဆုံးပြီး ၃ ဦး ဒဏ်ရာ ရရှိကာ ကျားဖြူစစ်ကြောင်းဘက်မှ အထိအခိုက်မရှိ ဆုတ်ခွာနိုင်ခဲ့ကြောင်း သိရှိရသည်။
