Khit Thit သတင်းဌာန၏ ဩဂုတ် ၂၂ ရက် နေ့လယ်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဩဂုတ် ၂၂ ရက် နေ့လယ်ပိုင်းတင်ဆက်ပေးမယ့်သတင်းတွေကတော့
-အကြမ်းဖက်စစ်ကောင်စီက ရွှေနဲ့ ဒေါ်လာစျေး ကျဆင်းရေးအတွက် စသုံးလုံး ဦးဆောင်တဲ့ Task Force ဖွဲ့စည်းပြီး ဆောင် ရွက်မယ်လို့ ခြိမ်းခြောက်ပြီးတဲ့နောက် ပြည်တွင်းစျေးကွက်မှာ ရွှေ နဲ့ ဒေါ်လာ အရောင်းအဝယ် ရပ်တန့်ပြီး စျေးကွက်ပျက်နေတယ်လို့ စုံစမ်းသိရှိရပါတယ်။
– မကွေးတိုင်းက ရေနံချောင်း-မြို့မဈေးမှာ ဈေးဝယ်ပြီး ပြန်လာတဲ့ အကြမ်းဖက် စစ်ကောင်စီ တပ်သား ၂ ဦးကို ပြည်သူ့ကာကွယ်ရေးတပ်ဖွဲ့တွေက ပစ်ခတ် တိုက်ခိုက်ရာမှာ ၁ ဦး ပွဲချင်းပြီး သေသွားတယ်လို့ အမှတ် ၁ စစ်ဒေသ ၊မကွေးခရိုင် အမှတ် ၂ တပ် ရင်းရဲ့ ဗိုလ်စံသျှားက ရန်ကုန် ခေတ်သစ် ကိုပြောပါတယ်။
– ရှမ်းပြည်နယ်တောင်ပိုင်း ၊ တောင်ကြီးမြို့၊ ပြည်တော်သာရပ်ကွက်မှာရှိတဲ့ ချယ်ရီလမ်း နဲ့ နှင်းဆီလမ်းအကြားက ဆိုင်ခန်းတွေကို ကျူးကျော်လို့ပြောပြီး အကြမ်းဖက် စစ်ကောင်စီက အတင်းအဓမ္မ ဖျက်သိမ်းခိုင်းနေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
