မင်းကင်းမြို့နယ်၊ ကံကျေးပျူစောထီး စစ်စခန်းကို ဝင်တိုက်ခိုက်မှု စစ်ကောင်စီ တပ်ဖွဲ့ဝင် ၁၀ ဦးခန့် သေဆုံးနိုင်ပြီး လက်နက်ခဲယမ်းများ သိမ်းဆည်းရရှိ
ရန်ကုန်၊ ဩဂုတ် ၂၈
စစ်ကိုင်းတိုင်း၊ မင်းကင်းမြို့နယ်၊ ကံကျေးပျူစောထီးကျေးရွာ စစ်စခန်းကို ဝင်ရောက်တိုက်ခိုက်ခဲ့ရာ အကြမ်းဖက် စစ်ကောင်စီတပ်ဖွဲ့ဝင် ၁၀ ဦးခန့် သေ ဆုံး နိုင် ပြီး လက်နက်ခဲယမ်းများ သိမ်းဆည်းရရှိခဲ့ကြောင်း ကျောင်းသား တော် လှန်ရေး တပ်ဖွဲ့- SRF မှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာန ထံသို့ ပြောဆိုသည်။
ယနေ့ ဩဂုတ်လ ၂၈ ရက်နေ့ နံနက်ပိုင်း အဆိုပါပျူကျေးရွာစခန်းကို ကျောင်း သား တော်လှန်ရေးတပ်ဖွဲ့ (S.R.F)၊ တိမ်လွှာဒေါင်းမင်း ပကဖအဖွဲ့နှင့် Local PDF များပါဝင်သော တပ်ပေါင်းစုမှ ဝင်ရောက် တိုက် ခိုက် ချေမှုန်းခဲ့ခြင်း ဖြစ်ပြီး အကြမ်းဖက်စစ်ကောင်စီတပ်ဖွဲ့ဝင် ၇ ဦးမှ ၁၀ဦး အကြား သေဆုံးကာ ၅ ဦးအ ထက် ဒဏ်ရာရရှိခဲ့ကြောင်း၊ S.R.F တပ်ဖွဲ့မှ ရဲဘော် ၃ ဦး မစိုးရိမ်ရ ဒဏ်ရာ ရရှိခဲ့ ကြောင်း သိရသည်။
အဆိုပါတိုက်ခိုက်မှုအတွင်း အကြမ်းဖက်စစ်ကောင်စီတပ်ဖွဲ့ဝင်များ အသုံးပြု သော Carbine M2 ၂ လက်၊ ပြောင်းချော ၂ လက်၊ 0.30 ကျည် ၁၉၃ တောင့်၊ ပြောင်းချောကျည် ၇၂ တောင့်၊ Carbine ကျည် ဘောက် ၅ ခု၊ ဖုန်း ၂၈ လုံးနှင့် ဆိုင်ကယ် ၇ စီးတို့ကို သိမ်းဆည်းရရှိခဲ့ကြောင်း သိရသည်။
”မင်းကင်းမြို့နယ်အတွင်းမှာ ဒေသခံတော်လှန်ရေး ရဲဘော်တွေ စုပေါင်းထားတဲ့ ကျွန်ုပ်တို့ တပ်ပေါင်းစု အနေနဲ့ တိုက်ခိုက်ရေးကို အရင်ကထက်ပိုမိုအရှိန် မြှင့် တင် နေပြီဖြစ်ပါတယ်၊ မင်းကင်းမြို့နယ်ရှိ စကစနဲ့ ၄င်းတို့ထောက်တိုင် ပျူစော ထီး ရပ်ရွာများမှာ နေထိုင်ကြတဲ့ မိဘပြည်သူတွေအနေနဲ့ ၄င်းတို့နဲ့ ဝေးရာ နေရာများမှာ နေထိုင်ပေးကြပါလို့ အသိပေးလိုပါတယ်” ဟု S.R.F တပ်မှူး ဆရာစံ ပြောဆိုသည်။
