ရန်ကုန်တိုင်းစစ်ကောင်စီအခြေစိုက်ရာ တိုင်းလွှတ်တော်ဝင်းအတွင်းသို့ လက်နက်ကြီးဖြင့် ပစ်ခတ်တိုက်ခိုက်မှု ထိခိုက်မှုများရှိနိုင်

ရန်ကုန်တိုင်းစစ်ကောင်စီအခြေစိုက်ရာ တိုင်းလွှတ်တော်ဝင်းအတွင်းသို့ လက်နက်ကြီးဖြင့် ပစ်ခတ်တိုက်ခိုက်မှု ထိခိုက်မှုများရှိနိုင်

ရန်ကုန်၊ စက်တင်ဘာ ၉

ရန်ကုန်တိုင်းစစ်ကောင်စီအခြေစိုက်ရာ ရန်ကုန်တိုင်းလွှတ်တော်ဝင်းအတွင်းသို့ လက်နက်ကြီးဖြင့် ပစ်ခတ်တိုက်ခိုက်ရာ ထိခိုက်မှုများရှိနိုင်ကြောင်း ရန်ကုန် တိုင်း၊ အနောက်ပိုင်းခရိုင် ပြည်သူ့ကာကွယ်ရေးတပ်ဖွဲ့က တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။

ယ​နေ့စက်တင်ဘာလ ၉ ရက်နေ့ နံနက် ၄ နာရီ ၃၀ မိနစ်အချိန် ဝန်းကျင်ခန့် အကြမ်းဖက်စစ်​ကောင်စီ၏ ရန်ကုန်တိုင်း စစ်ကောင်စီရုံးစိုက်ရာ ရန်ကုန်လွှတ်​တော်ဝင်းအတွင်းသို့ ရန်ကုန်အ​နောက်ပိုင်းခရိုင်ပြည်သူ့ကာကွယ်​ရေးအဖွဲ့က လက်နက်ကြီးဖြင့်ပစ်ခတ်တိုက်ခိုက်ခဲ့ကြောင်း၊ ထိုသို့ ပစ်ခတ်တိုက်ခိုက်ရာတွင် ပစ်မှတ်သို့ထိ​ရောက်​ပေါက်ကွဲခဲ့ကြောင်း၊ ​ ပေါက်ကွဲမှု​ကြောင့် ထိခိုက်မှု တစုံ တရာ ရှိနိုင်ပြီး လွှတ်​တော်ဝန်းအတွင်းသို့ DC နှစ်စီး၊ မီးတန်းတစ်စီး၊ Faw တစ်စီး ဝင်သွား​ကြောင်း၊ အဆိုပါလွှတ်​တော်ဝန်းအတွင်းသို့ မကြာသေးမီက တပ်အ​ပြောင်းအ​ရွှေ့ပြုလုပ်ထားကြောင်း သိရှိရသည်။

“ကျ​နော်တို့က ပြည်သူ့စစ်မဟာဗျူဟာကို အ​ကောင်အထည်​ဖော်ရတဲ့အတွက် မြို့ပြမှာ ရန်သူရဲ့ အုပ်ချုပ်​ရေး၊ စစ်​ရေး၊ စီးပွား​ရေး ယန္တရား​တွေ လုံးဝ လည် ပတ်လို့မရ​အောင် နည်းလမ်း​​ပေါင်းစုံနဲ့ တိုက်ခိုက်​နေမှာဖြစ်တယ်၊ အကြမ်းဖက် စစ်​ကောင်စီပြုတ်ကျသွားတဲ့အထိ ​တော်လှန်တိုက်ပွဲဝင်​သွားမှာဖြစ်တယ်” ဟု ရန်ကုန်တိုင်းပြည်သူ့ကာကွယ်​ရေးအဖွဲ့တာဝန်ရှိသူတစ်ဦးက ​ပြောဆိုသည်။

ယခုနှစ် မေလ ၁၂ ရက်နေ့ နံနက် ၄ နာရီခွဲအချိန်ကလည်း ဒဂုံမြို့နယ်၊ ရန်ကုန် တိုင်း လွှတ်တော်ဝင်းအတွင်းရှိ ရန်ကုန်စစ်ကောင်စီအဖွဲ့ရုံးဝင်းအတွင်း သို့ အနောက် ပိုင်းခရိုင် ပကဖ ၊ တပ်ရင်း ၊ တပ်ခွဲ ၁ နှင့် စမ်းချောင်း ပကဖတို့က ပူး ပေါင်း ပစ်ခတ်တိုက်ခိုက်ခဲ့မှုများ လုပ်ဆောင်ခဲ့ကြသည်။

ဓာတ်ပုံ- မေလ ၁၂ ရက်နေ့ ရန်ကုန်တိုင်းလွှတ်တော်ဝင်းကို ပစ်ခတ်တိုက် ခိုက်မှုများ လုပ်ဆောင်စဉ်။ (ပုံအဟောင်းဖြစ်ပါသည်။)