အောင်လံမြို့နယ်၊ ကပစ ၁၅ တပ်ကို ရှော့တိုက်ဒုံးဖြင့် တိုက်ခိုက်၊ မကွေး မြို့ တွင် ကင်းလှည့် နေသော စစ်ကြောင်းကို မိုင်းဆွဲတိုက်ခိုက်
ရန်ကုန်၊ စက်တင်ဘာ ၂၄
မကွေးတိုင်း၊ အောင်လံမြို့နယ်အတွင်းရှိ ကပစ ၁၅ တပ်ကို ရှော့တိုက်ဒုံးဖြင့် ပစ်ခတ်တိုက်ခိုက်ခဲ့ပြီး မကွေးမြို့တွင်း၌ ကင်းလှည့်နေသော စစ်သားများကို မိုင်းဆွဲတိုက်ခိုက်ခဲ့ကြောင်း မကွေးခရိုင်အမှတ် ၂ တပ်ရင်းမှ ဗိုလ်စံသျှားက ရန်ကုန်ခေတ်သစ်သတင်းဌာနထံသို့ပြောကြားသည်။
ယမန်နေ့ စက်တင်ဘာလ ၂၃ ရက်နေ့ နံနက်အစောပိုင်း ၂ နာရီခန့်အချိန် အောင်လံ မြို့နယ်အတွင်းရှိ အ ကြမ်းဖက်စစ်ကောင်စီ၏ ကပစ ၁၅ တပ်အား ၁၀၇ မမ ရှော့တိုက်ဒုံး တစ်လုံးဖြင့်ပစ်ခတ်တိုက်ခိုက်ခဲ့ပြီး ထိခိုက်ပျက်စီး သေဆုံး မှုကို သိရှိနိုင်ရန် စုံစမ်းနေဆဲဖြစ်ကြောင်း သိရသည်။
အဆိုပါတိုက်ခိုက်မှုကို မကွေးခရိုင် အမှတ် ၂ တပ်ရင်း ၊ သရက်ခရိုင် အမှတ် ၁ တပ်ရင်း နှင့် ငါးပြေမ ပြောက်ကျားတပ်ဖွဲ့တို့ ပူးပေါင်းကာ တိုက်ခိုက်ခဲ့ ခြင်း ဖြစ်ကြောင်း သိရသည်။
အလားတူ မကွေးတိုင်း၊ မကွေးမြို့၊ မြို့ပတ်လမ်းနှင့် အထက ၁ လမ်းဆုံမီးပွိုင့် တွင် ကင်းလှည့်နေသော အကြမ်း ဖက်စစ်ကောင်စီတပ်ဖွဲ့ဝင်များကို မိုင်း ဆွဲတိုက်ခိုက်ခဲ့ကြောင်း မကွေးခရိုင်အမှတ် ၂ တပ်ရင်းမှ ဗိုလ် စံသျှားက ရန်ကုန် ခေတ်သစ်သတင်းဌာနထံသို့ပြောဆိုသည်။
ယမန်နေ့ စက်တင်ဘာလ ၂၃ ရက်နေ့ ည ၇ နာရီခန့်အချိန် မကွေးမြို့ပတ်လမ်း နှင့် အထက ၁ လမ်းဆုံမီးပွိုင့်၌ အကြမ်းဖက်စစ်သားများ ကင်းလှည့်နေချိန် အနီး ကပ်မိုင်းဆွဲတိုက်ခိုက်ခဲ့ခြင်းဖြစ်ပြီး အကြမ်းဖက် စစ် သားများ ထိခိုက် သေဆုံးမှုရှိနိုင်သော်လည်း အတိအကျမသိရသေးဘဲ စုံစမ်းနေဆဲဖြစ်ကြောင်း သိရ သည်။
အဆိုပါတိုက်ခိုက်မှုကို မကွေးခရိုင် အမှတ် ၂ တပ်ရင်း ၊ သရက်ခရိုင်အမှတ် ၁ တပ်ရင်း နှင့် TDG Special Guerilla Force (တောင်တွင်းကြီး အထူးပြောက် ကျားတပ်ဖွဲ့) တို့ ပူးပေါင်းကာ တိုက်ခိုက်ခဲ့ခြင်းဖြစ် သည်။
