လိုင်လင်းပီမြို့ရှိ စစ်ကောင်စီတပ်စခန်းကို တိုက်ခိုက်နေသဖြင့် တိုက်ပွဲဖြစ် ပွားနေပြီး ပြည်သူများ လုံးဝ ဝင်ရောက်ခြင်းမပြုရန် သတိပေး
ရန်ကုန်၊ စက်တင်ဘာလ ၂၅
ချင်းပြည်နယ်၊ မတူပီမြို့နယ်၊ လိုင်းလင်းပီမြို့၌ တိုက်ပွဲဖြစ်ပွားနေပြီး မြို့ကို ဝင်ရောက်ခြင်းမပြုကြရန် မရာလဲန်းကာကွယ်ရေးတပ်ဖွဲ့ – MDF မှ တာဝန်ရှိသူ တစ်ဦးက ရန်ကုန်ခေတ်သစ်သတင်းဌာနထံ သို့ ပြောကြားသည်။
ယနေ့ စက်တင်ဘာလ ၂၅ ရက်နေ့ နံနက် ၅ နာရီခန့်မှ မှစ၍ ယခုညပိုင်းအထိ မရာလဲန်းကာကွယ်ရေး တပ်ဖွဲ့ – MDF နှင့်အကြမ်းဖက်စစ် ကောင်စီတပ် တို့ကြား တိုက်ပွဲဖြစ်ပွားနေပြီး မိဘပြည်သူများအနေ ဖြင့် လိုင်းလင်းပီမြို့တွင်း သို့ ဝင်ရောက်ခြင်း လုံးဝမပြုလုပ်ကြရန် သတိပေးထားကြောင်း သိရသည်။
“လိုင်းလင်းပီမြို့ စစ်ကောင်စီတပ်စခန်းကို ဒီနေ့ ညနေ ၅ နာရီလောက်မှာ MDF က စီးနင်းတိုက်ခိုက် နေ တာ၊ လိုင်းလင်းပီမြို့မှာ စစ်ခွေးတွေ ပစ်လို့ အိမ်တွေ ပျက်စီးတာရှိတယ်၊ လက်နက်ကြီးလက်နက်ငယ် သံတွေတော့ ကြားနေရတယ်လို့ ထွက်ပြေးလာတဲ့သူတွေဆီက သိရတယ်၊ ဖုန်းလိုင်း အခက်အခဲကြောင့် အကြောင်းစုံတော့ မသိရသေးဘူး၊ အခုထိဖြစ်နေတုန်းပဲ၊” ဟု ဒေသနေပြည်သူတစ်ဦးက ရန်ကုန်ခေတ် သစ်သတင်းဌာနထံသို့ပြောကြားသည်။
ပြည်သူများအနေဖြင့် စစ်ရေး သတိရှိကာ မရာလဲန်းကာကွယ်ရေးတပ်ဖွဲ့ (MDF) က နောက်ထပ် ထုတ်ပြန်မှု မပြုလုပ်မီအချိန်အထိ ယခုထုတ်ပြန်ချက် ကို လိုက်နာဆောင်ရွက်ပေးကြပါရန် အလေး အနက် သတိပေးမေတ္တာရပ်ခံ ထား သည်။
