Khit Thit သတင်းဌာန၏ အောက်တိုဘာ ၁၄ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ အောက်တိုဘာ ၁၄ ရက် မနက်ပိုင်းတင်ဆက်ပေးမယ့်သတင်းတွေကတော့
-ပဲခူးမြို့ရေဘေးအတွင်း အကူအညီပေးရေးလုပ်ငန်းတွေဆောင်ရွက်နေတဲ့ ငြိမ်းချမ်းရေးနဲ့ လူမှုပေါင်းစည်း ရေးလုပ်ငန်းတွေလုပ်နေတဲ့ ဦးစောနိုင်ဦး၊ ကိုဇင်ကို၀င်းတို့နဲ့အတူ စေတနာ့၀န်ထမ်းလူငယ်အချို့ကို စစ်တပ်က ဖမ်းဆီးထားတယ်လို့သိရပါတယ်။
– စစ်ကိုင်းတိုင်း၊ တန့်ဆည်မြို့နယ်မှာ ပေါင်ဂဒေါင်ချောင်း ရေကြီးမှုကြောင့် တန့်ဆည်-ကျွန်းလှကား လမ်းပေါ်မှာ ချောင်းကူးတံတား မျောပါပျက်စီးသွားလို ဒေသခံပြည်သူ ၃သောင်းထက်မနည်း သွားလာ ရေးအခက်အခဲ ရှိနေတယ်လို့ သိရပါတယ်။
– မန္တလေးမြို့က ရဲအရာရှိအတတ်သင်ကျောင်းမှ သင်တန်းသား ၃၄၈ ဦးဟာ နိုဝင်ဘာလ ၂ ရက်နေ့ ဇီးပင်ကြီးရဲအရာရှိသင်တန်းကျောင်းမှာ သေနတ်ပစ်သွားရောက်လေ့ကျင့်ဖို့အတွက် မထသဆီကနေ ခရီးသည်တင် Express ကား ၈ စီးကို ချောဆွဲငှားရမ်းနေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
