တွံတေးတူးမြောင်းအတွင်း ကင်းလှည့်နေသော စစ်တပ်ကင်းလှည့်ရေယာဉ်ကို ၄၀ မမ၊ လက်နက်ငယ်များ ဖြင့် ပစ်ခတ်တိုက်ခိုက်

တွံတေးတူးမြောင်းအတွင်း ကင်းလှည့်နေသော စစ်တပ်ကင်းလှည့်ရေယာဉ်ကို ၄၀ မမ၊ လက်နက်ငယ်များ ဖြင့် ပစ်ခတ်တိုက်ခိုက်

ရန်ကုန်၊ နိုဝင်ဘာ ၃

ရန်ကုန်တိုင်း၊ တွံတေးမြို့နယ်၊ တွံတေးတူးမြောင်းအတွင်း ကင်းလှည့်နေသော စစ်တပ်ကင်းလှည့်ရေယာဉ်ကို ၄၀ မမ၊ လက်နက်ငယ်များ ဖြင့် ပစ်ခတ်တိုက်ခိုက်ခဲ့ကြောင်း တွံ​တေးမြို့နယ်ပြည်သူ့ကာကွယ်ရေးတပ်ဖွဲ့(ပကဖ) အထူးတိုက်ခိုက်​ရေးတပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။

နိုဝင်ဘာလ ၃ ရက်နေ့ နံနက် ၄ နာရီခွဲအချိန် ရန်ကုန်​တောင်ပိုင်းခရိုင် ဇုန်(၁)နယ်​မြေရှိ တွံ​တေးမြို့နယ်ပကဖ ၏ အထူးတိုက်ခိုက်​ရေးတပ်ဖွဲ့သည် တွံ​တေးတူး​မြောင်းအတွင်း ကင်းလှည့်​နေ​သော စစ်​ကောင်စီ​ရေတပ် ကင်းလှည့်​ရေယာဥ်ကို အ​ဝေးပစ် ၄၀ မမ ဗုံးပစ်လက်နက်၊ ​မောင်းပြန်​သေနတ်များဖြင့် ပစ်ခတ်တိုက်ခိုက်ခဲ့ကြောင်း ၊ ယင်းပစ်ခတ်တိုက်ခိုက်မှု​ကြောင့် တွံ​တေး​ဘောတံတားဆိပ်သို့ စစ်​ရေယာဥ် ၂စီး စုစုပေါင်း အင်အား ၂၀​ကျော်ဖြင့် ​ရောက်ရှိလာပြီး တူး​မြောင်းအတွင်း ဖြတ်သွားဖြတ်လာ ​လှေ၊ သင်္ဘောများအား ​ခေါ်ယူစစ်​ဆေးလျက်ရှိကြောင်း သိရှိရသည်။

“အထိအခိုက်​တော့မသိရ​သေးဘူး။ ဒါ​ပေမယ့် ဒီ​ကောင်​တွေ ဖြုံ​တော့သွားတယ် ​နေရာတိုင်းက​နေ တိုက်ခိုက်ခံရနိုင်တယ်ဆိုတာကို သိ​စေချင်တယ်” ဟု ရန်ကုန်တိုင်းပကဖ တာဝန်ရှိသူတစ်ဦးက​ပြောသည်။

“တူးမြောင်းထဲမှာ ပစ်ခတ်သံကြားပြီးနောက် နာရီဝက်​လောက်​နေတော့ စပိဘုတ်တစ်စီး အင်အား ၅ ဦးခန့်နဲ့ တူး​မြောင်းအတိုင်း အမြန်​မောင်းချသွားတာ​တွေ့ လိုက်တယ်​” ဟု မျက်မြင်တစ်ဦးက ​​ပြောသည်။