Khit Thit သတင်းဌာန၏ နိုဝင်ဘာ ၈ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ နိုဝင်ဘာ ၈ ရက် မနက်ပိုင်းတင်ဆက်ပေးမယ့်သတင်းတွေကတော့
-တရုတ်-မြန်မာနယ်စပ်၊ မုံးကိုးမြို့ကို တော်လှန်ရေးတပ်ဖွဲ့တွေက အပြီးသတ်သိမ်းပိုက်နိုင် ဖြစ်တဲ့ အတွက် တစ်နိုင်ငံလုံးမှာ တော်လှန်ရေးတပ်ဖွဲ့တွေ မြို့ ၇ မြို့ကို သိမ်းယူထားနိုင်ပြီဖြစ်တယ်လို့ တော်လှန်ရေး တပ်ဖွဲ့တွေဆီက သိရပါတယ်။
– ရှမ်းပြည်နယ်မြောက်ပိုင်း၊ ကိုးကန့်ဒေသမှာ ၂ ရက်ဆက်တိုက်ဖြစ်ပွားခဲ့တဲ့တိုက်ပွဲတွေအတွင်း ဟောင်ဝစ်ဇာ လက်နက်ကြီး ၂ လက်အပါအဝင် စစ်တပ်စခန်းတွေ ထပ်မံသိမ်းပိုက်နိုင်ခဲ့ပြီး တပ်မမှူး ၁ ဦး အပါအဝင် စစ်သား ၁၅ ဦးသေသွားတယ်လို့ MNDAA ပြန်ကြားရေး The Kokang က သတင်းထုတ်ပြန် ထားပါတယ်။
– ကရင်နီပြည်နယ် ၊ မယ်စဲ့မြို့နယ်၊ ပန်းတိန်ကျေးရွာအနီးက အကြမ်းဖက်စစ်ကောင်စီရဲ့ တပ်စခန်း ၃ ခုကို တိုက်ခိုက်သိမ်းပိုက်ခဲ့ရာ အကြမ်းဖက်စစ်ကောင်စီတပ်သား ၁၆ ဦးထက်မနည်းသေသွားပြီး လက်နက်ခဲ ယမ်းအများအပြားကို သိမ်းဆည်းရရှိခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
