မြိုင်တွင် ၁၁၁၁ အောင်သပြေလှုပ်ရှားမှုပြုလုပ်၍ စစ်အာဏာရှင်တော်လှန်ရေး လူထုသပိတ်တိုက်ပွဲ ဆင်နွှဲ
ရန်ကုန်၊ နိုဝင်ဘာ ၁၁
မြိုင်မြို့နယ်အခြေခံပညာအထွေထွေသပိတ်ကော်မတီ ၊ ဒေသခံ ပြည်သူ့အုပ်ချုပ်ရေးအဖွဲ့များ ၊ ဒေသခံပြည်သူ့ကာကွယ်ရေးအဖွဲ့များနှင့် ဒေသခံပြည်သူလူထုပူးပေါင်းကာ
ယနေ့ နိုဝင်ဘာလ ၁၁ ရက်နေ့တွင် ၁ လေးလုံးလူထုလှုပ်ရှားမှု အောင်သပြေလှုပ်ရှားမှုအနေဖြင့် “ဖက်ဆစ်တပ်ကိုစွန့်ခွာကြ ပြည်သူ့ရင်ခွင်ခိုလှုံကြ” ၊
“၁၀၂၇လှိုင်းတွေကို အောင်သပြေနဲ့ကြိုဆို” ၊ “တိုက်ပွဲကိုညီ အောင်ပွဲကိုချီ ပြည်သစ်ကိုတည်” စသည့် စာသားပါဘန်နာများကိုင်ဆောင်ပြီး လူထုအင်အားအများအပြားဖြင့် စစ်အာဏာရှင်တော်လှန်ရေး လူထုသပိတ်တိုက်ပွဲ ဆင်နွှဲခဲ့ကြပြီး
မုံရွာတက္ကသိုလ်ကျောင်းသားများသမဂ္ဂ ၊ မုံရွာလူထုတိုက်ပွဲဦးဆောင်ကော်မတီနှင့် လက်ပံတောင်းတောင်ပင်မသပိတ်က သပိတ်ရဲဘော်များကလည်း လာရောက်ပူးပေါင်းကာ ပါဝင်ဆင်နွှဲခဲ့ကြပါတယ်။
