ရှမ်းမြောက်မှ PDF တပ်ရင်းတစ်ခုအတွက် စစ်လက်နက်နှင့် အသုံးအဆောင်များ ဝယ်ယူရန်အတွက် တောင်ကြီးမြေကွက် ဆုမဲရောင်းချ
ရန်ကုန်၊ နိုဝင်ဘာ ၁၄
မြောက်ပိုင်းမဟာမိတ် ၃ ဖွဲ့၏ ၁၀၂၇ စစ်ဆင်ရေးတွင် ပါဝင်သည့် ရှမ်းမြောက်ဒေသမှ PDF တပ်ရင်းတစ်ခုတွင် စစ်လက်နက်နှင့် အသုံးအဆောင်များ ဝယ်ယူရန်အတွက် ဆုမဲများ ဝယ်ယူနိုင်မည်ဖြစ်ကြောင်း ဆုမဲစီစဉ်သည့် ဒေါ်မေသင်္ကြန်ဟိန်က ပြောသည်။
ဆုမဲများကို နိုဝင်ဘာ ၉ ရက်နေ့မှ ဒီဇင်ဘာလ ၉ ရက်နေ့အထိ ရောင်းချမည်ဖြစ်ပြီး ဆုမဲများမှာ ပထမ ဆုအဖြစ် တောင်ကြီးရှိ မြေကွက် ၊ ဒုတိယ ဆု ရွှေဆွဲကြိုး ၁ ကုံး နှင့်ပုလဲလော့ကတ်သီး၊ တတိယဆု ရွှေနားကပ် ၁ စုံ နှင့် ရွှေမောင်းကွင်း လက်စွပ် ၁ ခု ၊ စတုတ္ထဆု ဟန်းချိန်း ၊ အထူးဆု တစ်သက်တာအတွက် ယတြာ အစီအရင် ၃ မျိုး ကို မဲဖောက်ပေးသွားမည်ဖြစ်ကြောင်း သိရှိရသည်။
မဲဝယ်ယူလိုသူများ ၁ စောင်လျှင် မြန်မာငွေ ၃ သောင်း၊ စင်ကာပူဒေါ်လာ ၃၀ ၊အမေရိကန်ဒေါ်လာ ၃၀ ဖြင့် ဝယ်ယူနိုင်မည်ဖြစ်ကြောင်း၊ မဲ အရေအတွက် အစောင် ၂၅၀၀ တိတိ ရောင်းချမည်ဖြစ်ကြောင်း ၊ ဆုမဲဝယ်ယူရန်အတွက် Page Link- https://www.facebook.com/MayThingyanHei?mibextid=LQQJ4d တွင် ဆက်သွယ်နိုင်မည် ဖြစ်ပြီး KBZ Pay ၊ Wave Pay ၊ NUG Pay ၊ Singapore – Paynow ၊ U.S – Zelle တို့ဖြင့် ဝယ်ယူနိုင်မည်ဖြစ်ကြောင်း သိရှိရသည်။
