မုန်းမြို့၊ ခမရ ၅၉၀ စခန်းသိမ်းတိုက်ပွဲတွင် စစ်တပ်က လေကြောင်းမှ ပစ်ခတ်သဖြင့် တပ်မိသားစုဝင် ကလေးမိခင်တစ်ဦး သေဆုံးပြီး လသားအရွယ်ကလေး တစ်ဦး ကျန်ရစ်၊ တော်လှန်ရေးတပ်ဖွဲ့က မိခင်မဲ့ လသားအရွယ်ကလေးငယ်ကို ကယ်တင်
ရန်ကုန်၊ ဒီဇင်ဘာ ၉
ပဲခူးတိုင်း၊ ကျောက်ကြီးမြို့နယ်၊ မုန်းမြို့ ခမရ ၅၉၀ တပ်ရင်း စခန်းသိမ်းတိုက်ပွဲတွင် အကြမ်းဖက်စစ်တပ်က စစ်တပ်မိသားစုဝင်များပါမကျန် လေကြောင်းမှ လိုက်လံပစ်ခတ်သတ်ဖြတ်မှု ကြောင့် စစ်တပ်မိသားစု ဝင် ကလေးမိခင်တစ်ဦး သေဆုံးခဲ့ပြီး လသားအရွယ် ကလေးငယ် ကျန်ရစ်ကာ ယင်းကလေးငယ်ကို တော်လှန်ရေးတပ်ဖွဲ့က ကယ်တင်ထားရကြောင်း တောင်ပိုင်းတိုင်းအထူးကွန်းမန်ဒိုတပ်ရင်းမှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။
“မုန်းတိုက်ပွဲ ခမရ ၅၉၀ မှာဖြစ်တာ ။ အာဏာရှင်အကြမ်းဖက် အဖွဲ့ဆိုတာ ကိုယ့်လူလည်း တန်ဖိုးမထား တတ် ဘူး။ အာဏာရှင်စနစ် အမြစ်ဖြတ်ချေမှုန်းနိုင်ရေးအတွက် နိုင်ငံသားတိုင်းမှာ တာဝန်ရှိပါတယ်။” ဟု တောင်းပိုင်းတိုင်း အထူးကွန်မန်ဒိုတပ်ရင်း ရိုးမ ၂ စစ်ကြောင်း က ပြောဆိုသည်။
ဒီဇင်ဘာလ ၂ ရက် ည ၁၁ နာရီ မိနစ် ၄၀ အချိန် ကျောက် ကြီးမြို့နယ်၊ မုန်းမြို့ဒေသရှိ ခမရ ၅၉၀ တပ်ရင်းဌာနချုပ်၊ ခမရ ၅၉၉ တပ်ရင်းဌာနချုပ် နှင့်မုန်း မြို့ရဲစခန်း၊ မုန်းသာစည်တံတားကင်း၊ ကော့ပြင်းတပ်စခန်း တို့ကို စ်တင်တိုက်ခိုက်ခဲ့ပြီး ဒီဇင်ဘာလ ၄ ရက်နေ့တွင် KNLA ၊ PDF ၊ BPLA ပူးပေါင်း မဟာမိတ်တပ်များက စခန်းများအားလုံးကို သိမ်းပိုက်ခဲ့ကြောင်း ၊ ခမရ (၅၉၀) တပ်ရင်းဌာနချုပ်၊ မုန်းမြို့ရဲစခန်းနှင့် ကော့ပြင်းတပ်စခန်း၊ ခမရ ၅၉၉ တပ်ရင်း ဌာန ချုပ်နှင့် မုန်းသာစည်တံတားကင်း တို့ကို အကြမ်းဖက်စစ်ကောင်စီဖက်မှ လေကြောင်း တိုက်ခိုက်မှု အပြင်းအထန် အကြိမ်ကြိမ် ပြုလုပ်ခဲ့သည့်ကြားမှ စစ်ရေး ရည်မှန်းချက်အတိုင်း အ ကောင်အထည် ဖော် အောင်မြင်စွာဆောင်ရွက်နိုင်ခဲ့ကြောင်း တောင်ပိုင်းတိုင်း စစ်ဒေသ၊အမှတ် ၂ စစ်ဒေသခွဲ၊ ဒုစ်ဒေသမှူး ရဲဘော် တင်ဦးက ရန်ကုန်ခေတ်သစ်တသင်းဌာနထံသို့ ပြောကြားသည်။
ယင်းတိုက်ခိုက်မှုအတွင်း အကြမ်းဖက်စစ်ကောင်စီ တပ်ဖွဲ့ဝင် ၁၀၀ ကျော် သေဆုံးခဲ့ပြီး၊ အများအ ပြား ဒဏ်ရာ ရရှိခဲ့ကာ လက်နက်ကြီး၊ လက်နက်ငယ်၊ ခဲယမ်းအမြောက်အများ သိမ်းဆည်းရရှိခဲ့ ကြောင်း၊ ဒုရင်းမှုး အဆင့်ရှိ ဗိုလ်မှုး ၁ ဦး၊ ဗိုလ်ကြီး ၂ ဦးအပါအဝင် အရာခံအကြပ်စစ်သည် ၂၁ ဦး လက်နက်ချ အညံ့ခံခဲ့ပြီး တပ်မိသားစုဝင် ၅၈ ဦးကိုလည်း ကျင့်ဝတ်များနှင့်အညီ ထိန်းသိမ်းနိုင် ခဲ့ကြောင်း၊ တော်လှန်ရေး ပူးပေါင်းတပ်ဖွဲ့ဝင်များလည်း ထိခိုက် ကျဆုံးမှု တချို့ ရှိခဲ့ကြောင်း သိရ သည်။
တောင်ပိုင်းစစ်ဒေသ ၊ အမှတ် ၂ စစ်ဒေသခွဲ အနေဖြင့် စစ်တောင်းမြစ်ဝှမ်းဒေသတစ်ခုလုံးကို စစ် ဆင်ရေး တိုးမြှင့်ဆောင်ရွက်မည် ဖြစ်ကြောင်း၊ အကြမ်းဖက်စစ်ကောင်စီ တပ်သားများ နှင့် စစ်ကောင် စီယန္တရား လည်ပတ်စေရန် ဆောင်ရွက်နေသူများ အားလုံး ပြည်သူ့ဘက်သို့ ရပ်တည် ပူးပေါင်းကြရန် နှင့် ပြည်သူများအနေဖြင့် ဘေးအန္တရာယ် ကင်းဝေးစေရန် လိုအပ်သည်များကို ကြိုတင်ပြင် ဆင် ပေးကြပါရန် လေးလေးနက်နက် တိုက်တွန်းမေတ္တာရပ်ခံထားသည်။
