မရမ်းကုန်းမြို့နယ်၊ စက်မှုကြီးကြပ်ရေးနှင့် စစ်ဆေးရေးဦးစီးဌာနရုံးနှင့် မော်တော်ပီကယ်ရုံး ကို ဗုံးခွဲ တိုက်ခိုက်
ရန်ကုန်၊ ဒီဇင်ဘာ ၂၈
ရန်ကုန်မြို့၊ မရမ်းကုန်းမြို့နယ်၊ အကြမ်းဖက်စစ်ကောင်စီလက်အောက်ခံ စက်မှုဝန်ကြီးဌာနလက် အောက်ခံ၊ စက်မှုကြီးကြပ်ရေးနှင့် စစ်ဆေးရေးဦးစီးဌာနနှင့် ၎င်း ရုံးရှေ့ရှိ မော်တော်ပီကယ်ရုံးကို မိုင်းဆွဲ တိုက်ခိုက်ခဲ့ကြောင်း Freeland Attack Force- FLA ထံမှ သိရသည်။
ယနေ့ ဒီဇင်ဘာလ ၂၈ ရက်နေ့ ည ၇ နာရီ မိနစ် ၂၀ အချိန်ခန့် အကြမ်းဖက်စစ်ကောင်စီတပ်သားများ အမြဲ တမ်းနေထိုင်သော မရမ်းကုန်းမြို့နယ်၊ စက်မှုဝန်ကြီးဌာနလက်အောက်ခံ၊ စက်မှုကြီးကြပ် ရေးနှင့် စစ်ဆေးရေးဦးစီးဌာနရုံးနှင့် ၎င်းအရှေ့ရှိ စစ်ကောင်စီတပ်သားများ ကင်းပုန်းဝပ်လေ့ရှိသော မော် တော်ပီကယ်ရုံးတို့ကို မိုင်းခွဲတိုက်ခိုက်ခဲ့ရာ ထိခိုက်ပျက်စီးမှုရှိခဲ့ပြီး အသေးစိတ်အခြေကို မသိရှိရသေးပေ။
အဆိုပါတိုက်ခိုက်မှုကို Freeland Attack Force- FLA ၊ Anonymous Fighters Force- AFF နှင့် Emerald Girls Army- EGA တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေး မြို့ပြ ပျောက်ကြားတပ်ဖွဲ့ဝင်များ ဘေးကင်းစွာ ဆုတ်ခွာနိုင်ခဲ့ကြောင်း သိရသည်။
ရန်ကုန်မြို့ပြပြောက်ကျား အင်အားစုအနေဖြင့် ရန်ကုန်မြို့ပြကို အကြမ်းဖက် စစ်ကောင်စီမှ လုံးဝ အုပ်ချုပ်၍ မရစေစေရန် အစွမ်းကုန် တွန်းလှန် ခုခံနေမည်ဖြစ်ပြီး ရန်ကုန်မြို့ပြတွင် အများပြည်သူ လူထု နှင့်အတူ လျှို့ဝှက်စွာ ရှိနေမည်ဖြစ်ကြောင်း အသိပေးထားသည်။
