Khit Thit သတင်းဌာန၏ ဇန်နဝါရီ ၈ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဇန်နဝါရီ ၈ ရက်နေ့ မနက်ပိုင်းတင်ဆက်ပေးမယ့်သတင်းတွေကတော့
-ရခိုင်ပြည်နယ်၊ ကျောက်တော်မြို့နယ် တောင်ရှည်တောင်ဗျူဟာကုန်းက စစ်ကောင်စီတပ်ဖွဲ့ဝင်အားလုံး တစ်ယောက်မကျန် AA တပ်ဖွဲ့ဆီမှာ လက်နက်ချ အညံ့ခံလိုက်တယ်လို့ ညီနောင်မဟာမိတ် ၃ ဖွဲ့က သတင်းထုတ်ပြန်ထားပါတယ်။
– ရှမ်းပြည်နယ်မြောက်ပိုင်းမှာ MNDAA က သိမ်းပိုက်ရရှိထားတဲ့ လောက်ကိုင်ဒေသ ကွပ်ကဲမှု စစ်ဆင်ရေး ဌာနချုပ်( ဒကစ)၊ ဆက်သွယ်ရေးတပ်ရင်း ၄ ရုံး၊ ဒုတပ်ရင်းမှူးရုံးခန်းအတွင်း မြောက်ပိုင်း မဟာမိတ် ၃ ဖွဲ့ လာရောက်မတိုက်ခိုက်စေဖို့ မျောက်သုံးကောင်ဓာတ်ပုံကို ဇောက်ထိုး ချိတ်ဆွဲ ထားတဲ့ယတြာ တွေ့ရှိ ရတယ်လို့ MNDAA သတင်းရင်းမြစ်ဆီက သိရပါတယ်။
– စစ်ကိုင်းတိုင်း၊ တမူးမြို့နယ်၊ ခမ်းပတ်မြို့၊ ကနန်းစံပြကျေးရွာ၊ အမှတ် ၅ ရပ်ကွက်ရှိ ခရစ်ယာန်ဘုရား ရှိခိုးကျောင်းကို စစ်တပ်က လေယာဉ်နဲ့ ဗုံးကျဲချတိုက်ခိုက်ရာ ကလေးငယ် ၂ ဦး အပါအဝင် ပြည်သူ ၁၁ ဦး သေဆုံးခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
