ဘုတလင်မြို့နယ်၊ ကူတော်ရွာရှိ စစ်တပ် အထိုင်စခန်းကို ဝင်ရောက် တိုက်ခိုက်မှု စစ်တပ်ဘက်မှ အရာရှိ ၁ ဦးအပါအဝင် ၄ ဦးသေဆုံး
ရန်ကုန်၊ ဇန်နဝါရီ ၂၇
စစ်ကိုင်းတိုင်း၊ ဘုတလင်မြို့နယ်၊ ကူတော်ရွာရှိ အကြမ်းဖက် စစ်တပ် အထိုင်စခန်းကို ဝင်ရောက် တိုက်ခိုက်ရာ စစ်တပ်ဘက်မှ အရာရှိ ၁ ဦးအပါအဝင် ၄ ဦးသေဆုံးခဲ့ကြောင်း ဘုတလင်မြို့နယ် ပကဖ ဒုတာဝန်ခံ က ရန်ကုန်ခေတ်သစ် မီဒီယာသို့ ပြောဆိုသည်။
ဇန်နဝါရီလ ၂၆ ရက်နေ့တွင် ဘုတလင်မြို့နယ်၊ ကူတော်ကျေးရွာရှိ အကြမ်းဖက် စစ်တပ် စခန်းကို တော်လှန်ရေး တပ်ဖွဲ့များက ဝင်ရောက် တိုက်ခိုက်မှု စစ်တပ်ဘက်မှ အရာရှိ ၁ ဦးအပါအဝင် ၄ ဦး သေဆုံးကာ စနိုက်ပါ အထိုင် ဗန်ကာကို မီးရှို့ရှင်းလင်းခဲ့ကြောင်း သိရသည်။
“စခန်းသိမ်း တိုက်ပွဲ တိုက်ခိုက်တာပဲ ကျည်အင်အား နည်းတာနဲ့ မသိမ်းနိုင်ဘဲ ပြန်လည်ဆုတ်ခွာခဲ့ရတယ်” ဟု ဘုတလင်မြို့နယ် ပကဖ ဒုတာဝန်ခံ က ပြောဆိုသည်။
အဆိုပါ တိုက်ခိုက်မှုကို မုံရွာခရိုင် BOB တပ်ရင်း ၂၀ ၊ ဘုတလင်မြို့နယ် ပကဖ အဖွဲ့ ၊ ဘုတလင် မြို့နယ် အားမာန်သစ် Local PDF နှင့် ဒေသ အခြေစိုက် လက်နက်ကြီးအဖွဲ့များက ပူးပေါင်း လုပ်ဆောင်ခဲ့ကြောင်း သိရသည်။
![Pinterest](https://pinterest.com/pin/create/button/?url=https://yktnews.com/2024/01/142209/&media=https://yktnews.com/wp-content/uploads/2024/01/422890441_741605324733743_258193033478512362_n.jpg&description="စခန်းသိမ်း တိုက်ပွဲ တိုက်ခိုက်တာပဲ ကျည်အင်အား နည်းတာနဲ့ မသိမ်းနိုင်ဘဲ ပြန်လည်ဆုတ်ခွာခဲ့ရတယ်" ဟု ဘုတလင်မြို့နယ် ပကဖ ဒုတာဝန်ခံ က ပြောဆိုသည်။){kind=link}