ပခုက္ကူမြို့နယ်နှင့် ရေဦးမြို့နယ်ရှိ စစ်ကောင်စီ တပ်သားများ တပ်စွဲထားသော နေရာများနှင့် ကင်းပုန်းကို ဒရုန်းဖြင့် ဗုံးကျဲ တိုက်ခိုက်မှု စစ်တပ်ဘက်မှ ၂ ဦး သေဆုံး
ရန်ကုန်၊ ဖေဖော်ဝါရီ ၉
မကွေးတိုင်း၊ ပခုက္ကူမြို့နယ်၊ ချောက်ကန်ရွာနှင့် လက်ပန်းကန်ကျေးရွာ၌ ကင်းပုန်းဝပ်နေသော စစ် ကောင်စီတပ်သားများကို ဒရုန်းဖြင့် ဗုံးကျဲတိုက်ခိုက်ခဲ့ကြောင်း Young Force -UG တပ်ဖွဲ့မှ သတင်း နှင့်ပြန်ကြားရေး တာဝန်ခံ ကိုပိန်က ရန်ကုန်ခေတ်သစ်သတင်းဌာနထံသို့ ပြောကြားသည်။
ယနေ့ ဖေဖော်ဝါရီလ ၉ ရက် နံနက် ၉ နာရီဝန်းကျင်ခန့်က ပခုက္ကူမြို့နယ်၊ ချောက်ကန်ရွာနှင့် လက် ပန်းကန်ကြားအတွင်း ကင်းပုန်းဝပ်နေသော အကြမ်းဖက်စစ်ကောင်စီတပ်သား ၁၅ ဦးခန့်ကို RC Plane ဒရုန်း လေယာဉ်ဖြင့် ဗုံး ၂ လုံးကျဲတိုက်ခိုက်ခဲ့ရာ စစ်ကောင်စီတပ်သားများ ထိခိုက်သေဆုံးမှုကို သိရှိနိုင်ရန် စုံစမ်းနေခြင်းဖြစ်ကြောင်း သိရသည်။
“ကင်းပုန်းဝပ်တာက ၁၅ ယောက်လောက်တော့မရှိမယ်၊ ဗုံးသီးက ၂ လုံး ပဲချခဲ့တာ၊ ချောက်ကန် က နေ ထွက်လာတဲ့ စစ်ခွေးတွေ၊ အင်ပင်တို့၊ ချောက်ကန်တို့မှာက စစ်ခွေးတွေ အထိုင်ချတပ်စွဲထား တာ၊ နောက်ဆက်တွဲ ထိခိုက်မှုအခြေအနေကတော့ မသိရသေးဘူး၊ ရန်သူ့နယ် မြေဇုံထဲမှာဆိုတော့ သွား ကြည့်လို့လဲ မရဘူး၊ အဲဒါကတော့ စုံစမ်းဆဲပါပဲ၊ ဗုံးကတော့ သေချချနိုင်ခဲ့ ပါတယ်” ဟု Young Force -UG တပ်ဖွဲ့မှ သတင်းနှင့်ပြန် ကြားရေး တာဝန်ခံ ကိုပိန်က ရန်ကုန်ခေတ်သစ်သတင်းဌာနထံသို့ ပြော ကြားသည်။
ထိုသို့တိုက်ခိုက်မှုအပြီး အကြမ်းဖက်စစ်ကောင်စီတပ်သားများက ပြည်သူများနေထိုင်ရာကျေးရွာများ ကို လက်နက်ကြီး၊ လက်နက်ငယ်များဖြင့် ရမ်းသမ်းပစ်ခတ်တိုက်ခိုက်ခဲ့ကြောင်း သိရသည်။
အဆိုပါတိုက်ခိုက်မှုကို မြိုင်မြို့နယ်၊ ပခုက္ကူမြို့နယ် ပြည်သူ့ကာကွယ်ရေး မဟာမိတ်အဖွဲ့များပူးပေါင်း ကာတိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ အောင်မြင်ခဲ့ ကြောင်း သိရသည်။
အလားတူ စစ်ကိုင်းတိုင်း၊ ရေဦးမြို့နယ်ရှိ အကြမ်းဖက် စစ်တပ် တပ်စွဲထားသော နေရာများကို ဒရုန်းဖြင့် ဗုံးကျဲ တိုက်ခိုက်ခဲ့ရာ စစ်ကောင်စီ တပ်သား ၂ ဦး သေဆုံးခဲ့ကြောင်း ရွှေဘိုခရိုင်အမှတ် ၁၄ တပ်ရင်းထံမှ သိရသည်။
ယနေ့ ဖေဖော်ဝါရီလ ၉ ရက်နေ့ နံနက် ၁၀ နာရီ ၃၀ မိနစ်ခန့်တွင် ရေဦးမြို့၊ ဂါဝီပန်းခြံအနီးရှိ အကြမ်းဖက် စစ်တပ်၏ ၈၁ မမ လက်နက်ကြီး အထိုင်ချထားသော နေရာကို ရွှေဘိုခရိုင်အမှတ် ၁၄ တပ်ရင်း ၊ ရေဦး PDF က Fixed Wing Drone ဖြင့် ဗုံးသီး၄ လုံး ကျဲချ တိုက်ခိုက်ခဲ့ကြောင်း သိရှိရသည်။
ယင်းတိုက်ခိုက်မှုအတွင်း အကြမ်းဖက် စစ်ကောင်စီ တပ်သား ၁ ဦး နေရာမှာ ပွဲချင်းပြီး သေဆုံးခဲ့ပြီး ကျန် ၁ ဦးသည် ဆေးရုံအရောက်၌ ထပ်မံ သေဆုံးခဲ့ကြောင်း သိရသည်။
ထို့ပြင် ယနေ နံနက် ၁၁ နာရီ ၃၀ မိနစ်ခန့်တွင် ရေဦးမြို့ မြောက်ဘက်အထွက်ရှိ ဟိန်းဆီဆိုင်အနီးတွင် အထိုင်ချ ဆက်ကြေးကောက်နေသော စစ်ကောင်စီ တပ်သားများကို တော်လှန်ရေး တပ်ဖွဲ့များက ဒရုန်းဖြင့် ဗုံးသီး ၂ လုံး ထပ်မံကျဲချ တိုက်ခိုက်ခဲ့ပြီး အကြမ်းဖက် စစ်ကောင်စီ တပ်သားများ ထိခိုက်မှု အခြေအနေကို ဆက်လက် စုံစမ်းလျက်ရှိကြောင်း ရွှေဘိုခရိုင် အမှတ် ၁၄ တပ်ရင်းက ထုတ်ပြန်ထားသည်။
