YDF ရဲဘော် ၂ ဦး အပါအဝင် ပြည်သူများကို စစ်တပ်က ရက်ရက်စက်စက် သတ်ဖြတ်နေမှု နိုင်ငံတကာက အရေးယူရေး ဂျပန်နိုင်ငံ၊ တိုကျိုမြို့၊ ကုလသမဂ္ဂ ရုံးရှေ့တွင် တောင်းဆို
ရန်ကုန်၊ ဖေဖော်ဝါရီ ၁၅
ဂျပန်နိုင်ငံ၊ တိုကျိုမြို့၊ ကုလသမဂ္ဂရုံးရှေ့တွင် တော်လှန်ရေးရဲဘော် ၂ ဦး အပါအဝင် ပြည်သူများကို စစ်တပ်က ရက်ရက်စက်စက် သတ်ဖြတ်နေမှု နိုင်ငံတကာက အရေးယူရန် ဂျပန်ရောက် မြန်မာက ယနေ့ ဆန္ဒပြတောင်းဆိုကြသည်။
မကွေးတိုင်း၊ ဂန့်ဂေါမြို့နယ်၊ မြောက်ခင်ရန်းရွာတွင် PDF ရဲဘော်နှစ်ဦးကို စစ်အုပ်စုနဲ့ လက်၊ပါးစေ ပျူစောထီးများက ရက်ရက် စက်စက် သတ်ဖြတ်မှု အပါအဝင် မြန်မာပြည်သူများကို စစ်တပ်က လက်နက်အားကိုး မတရားသတ်ဖြတ်နေခြင်းတို့ကို နိုင်ငံ တကာက လက်ပိုက်ကြည့်မနေသင့်တော့ကြောင်း၊ ဂျပန်ရောက် မြန်မာနိုင်ငံသားများကလည်း စစ်တပ်၏ သတ်ဖြတ်မှုများကို လုံးဝလက်မခံနိုင်ကြောင်း၊ မြန်မာပြည်တွင်း အကြမ်းဖက်စစ်အုပ်စုကိုအပြီးတိုင်ချေမှုန်းရေး ပူးပေါင်းတွန်းလှန်နေသူများနှင့်အတူတစ်သားတည်းရှိနေကြောင်း ၊သွေးမအေးကြောင်း ကုလသမဂ္ဂ ရှေ့တွင် ဆန္ဒထုတ်ဖော်ကြွေးကြော် တောင်းဆိုကြသည်။
