နောင်ချို၊ ကျောက်မဲ၊ သီပေါနှင့်မိုးကုတ်မြို့နယ်တို့တွင် TNLA နှင့် စစ်ကောင်စီတပ်များအကြား တိုက်ပွဲပြင်းထန်နေပြီး ပြည်သူ ၂ ဦးသေဆုံး ၊ ဂျက်တိုက် လေယာဉ်ဖြင့် စစ်ကောင်စီက ဗုံးကျဲ
ရန်ကုန်၊ ဇွန် ၂၅
ရှမ်းပြည်နယ်မြောက်ပိုင်း၊ နောင်ချိုမြို့နယ်၊ ကျောက်မဲမြို့နယ်၊ သီပေါမြို့နယ်နှင့် မန္တလေးတိုင်း၊ မိုးကုတ်မြို့နယ်တို့တွင် TNLA နှင့် စစ်ကောင်စီတပ်များအကြား ယနေ့ တိုက်ပွဲများ အပြင်းအထန် ဖြစ်ပွားနေကြောင်း TNLA က သတင်းထုတ်ပြန်သည်။
ဇွန်လ ၂၅ ရက်နေ့ နောင်ချိုမြို့နယ်၊ ကျောက်ကြမ်းရွာ၊ အုမ္မတီး၊ ခဲမွန်ရွာ၊ ကံ့ကော်ရွာ နှင့် နောင်ချို့မြိုအတွင်း စစ်ကောင်စီတပ်နှင့် တအာင်းတပ်မတော် PSLF/TNLA တို့ တိုက်ပွဲများဖြစ်ပွားခဲ့ကြောင်း၊ တိုက်ပွဲအတွင်း စစ်ကောင်စီတပ်မှ Jet Fighter ဖြင့် (၄)ကြိမ် လာရောက်ပစ်ခတ်တိုက်ခိုက်ခဲ့ကြောင်း သိရှိရသည်။
အလားတူ ဇွန်လ ၂၅ ရက်နေ့ ကျောက်မဲမြို့နယ် ငြိမ်းချမ်းရေးကုန်း၊ စခန်းသာ၊ ခိုရောင်းရွာ၊ နားအိုက်ခန့်ရွာတွင် စစ်ကောင်စီတပ်နှင့် တအာင်းတပ်မတော် PSLF/TNLA တို တိုက်ပွဲဖြစ်ပွားခဲ့ပြီး တိုက်ပွဲအတွင်း စစ်ကောင်စီတပ်မှ တိုက်ပွဲဖြစ်ပွားသည့် နေရာသို Jet Fighter ဖြင့် ၂ကြိမ် လာရောက်ပစ်ခတ်တိုက်ခိုက်ခဲ့ကြောင်း၊ ထို့အတူ မိုးကုတ်မြိုနယ် ရွာသာယာရွာ၊ ပန်းသပြေကျေးရွာ၊ ဖြူရောင်ရွာ၊ အမှိက်ပုံးနေရာ၊ ဒေါ်နန်းကြည်တောင်နှင့် ၆ မိုင် (မိုးကုတ်နှင့် ပိန်းပြစ်ရွာကြား) စစ်ကောင်စီတပ်နှင့် တအာင်းတပ်မတော် PSLF/TNLA တို တိုက်ပွဲဖြစ်ပွားခဲ့ကြောင်း၊ တိုက်ပွဲအတွင်း စစ်ကောင်စီတပ်မှ Jet Fighter ဖြင့် ၅ကြိမ် လာရောက်ပစ်ခတ်တိုက်ခိုက်ခဲ့ကြောင်း သိရှိရသည်။
ထို့ပြင် ဇွန်လ ၂၅ ရက်နေ့ ညနေ ၅ နာရီ ၃၀ မိနစ်အချိန် သီပေါမြိုနယ် ဆွန်လုံကျေးရွာဘက်တွင် စစ်ကောင်စီတပ်နှင့် တအာင်းတပ်မတော် PSLF/TNLA တို့ အကြား တိုက်ပွဲဖြစ်ပွားခဲ့ကြောင်း သိရှိရသည်။
ယနေ့ ဇွန်လ ၂၅ ရက်နေ့ နောင်ချိုမြိုနယ်၊ ကျောက်မဲမြိုနယ်နှင့် မိုးကုတ်မြိုနယ်တို့တွင် စစ်ကောင်စီတပ်နှင့် တအာင်းတပ်မတော် (PSLF/TNLA) တပ်ဖွဲတိုအကြား တိုက်ပွဲဖြစ်ပွားခဲ့ပြီးနောက် စစ်ကောင် စီတပ်မှ လက်နက်ကြီးနှင့် လေကြောင်းတိုက်ခိုက်မှုကြောင့် အရပ်သား ၅ ဦးထိခိုက်ခဲ့ပြီး ၂ ဉီးသေဆုံးကာ ၃ ဉီးထိခိုက်ဒဏ်ရာရှိခဲ့ကြောင်း၊ ထို့ပြင် စစ်ကောင်စီတပ်က ထောက်ပို့ယာဉ် Mi17 ဖြင့် ၃ ကြိမ် စစ်မြေပြင်သို့ လက်နက်ခဲယမ်းများ လာရောက်ဖြည့်တင်းခဲ့ကြောင်း သိရှိရသည်။
![](https://yktnews.com/wp-content/uploads/2024/06/449255710_831618389065769_1235416307347430480_n.jpg)
![](https://yktnews.com/wp-content/uploads/2024/06/449058464_831618469065761_6711559270730539731_n.jpg)
![](https://yktnews.com/wp-content/uploads/2024/06/449060334_831618509065757_2307649305527974151_n.jpg)
![](https://yktnews.com/wp-content/uploads/2024/06/449255919_831618295732445_200584713400312684_n.jpg)