ဖြူးမြို့နယ်တွင် စစ်တပ် တပ်စွဲထားသော နေရာ ၅ ခုကို ဒရုန်းဖြင့် ဗုံးကျဲ တိုက် ခိုက်မှု စစ်သား ၃ ဦးသေဆုံး
ရန်ကုန်၊ ဇူလိုင် ၂၁
ပဲခူးတိုင်း၊ ဖြူးမြို့နယ်တွင် အကြမ်းဖက် စစ်တပ် တပ်စွဲထားသော နေရာ ၅ ခုကို ဒရုန်းဖြင့် ဗုံးကျဲ တိုက်ခိုက်ရာ စစ်သား ၃ ဦးသေဆုံးခဲ့ကြောင်း ဖြူးမြို့နယ် ပကဖ အဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
ဇူလိုင်လ ၁ ၊ ၃ နှင့် ၇ ရက်နေ့တို့တွင် ဖြူးမြို့နယ် အတွင်း အကြမ်းဖက် စစ်တပ် တပ်စွဲထားသော အင်းရှည်ရွာ၊ တောကျွဲအင်းဘူတာ၊ တောကျွဲအင်းဖိုးအေးဂိုထောင်၊ တောကျွဲအင်း အောင်သိဒ္ဓိသင်္ချိုင်းနှင့် တောကျွဲအင်း အောင်မြေကုန်းဂိတ်များကို တော်လှန်ရေး တပ်ဖွဲ့များက ဒရုန်းဖြင့် ဗုံးကျဲ တိုက်ခိုက်ခဲ့ခြင်းဖြစ် ကြောင်း သိရသည်။
ယင်း တိုက်ခိုက်မှု အတွင်း အကြမ်းဖက် စစ်ကောင်စီ တပ်သား ၃ ဦးသေဆုံးပြီး ၇ ဦး ပြင်းထန်ဒဏ်ရာရရှိကာ တော်လှန်ရေး ရဲဘော်များ အထိအခိုက်မရှိ ဆုတ် ခွာနိုင်ခဲ့ကြောင်း သိရှိရသည်။
အဆိုပါ တိုက်ခိုက်မှုကို KNLA၊ ၃၅၀၃ PDF တပ်ရင်း၊ ဖြူးမြို့နယ် ပကဖ Drone အဖွဲ့များက ပူးပေါင်း လုပ်ဆောင်ခဲ့ကြောင်း သိရသည်။
