မန္တလေး PDF က အကြမ်းဖက် စစ်တပ်၏ လက်နက်ကြီးနှင့် လေကြောင်းတိုက်ခိုက်မှု အန္တရာယ်ကင်းရှင်းရေး အသိပညာပေး စာစောင်များ လိုက်လံဖြန့်ဝေ
ရန်ကုန်၊ ဇူလိုင် ၂၆
ပြည်သူ့ကာကွယ်ရေးတပ်မတော် (မန္တလေး) ၊ ပြည်သူ့ဆက်ဆံရေးနှင့်စည်းရုံးရေးဌာနက အကြမ်းဖက် စစ်တပ်၏ လက်နက်ကြီးနှင့် လေကြောင်းတိုက်ခိုက်မှု အန္တရာယ်ကင်းရှင်းရေး ပြည်သူများထံ အသိပညာပေး စာစောင်များ လိုက်လံဖြန့်ဝေခဲ့ကြောင်း သိရသည်။
အကြမ်းဖက် စစ်ကောင်စီသည် စစ်ရှုံးလာသည်နှင့် အမျှ ရှုံးမဲ မဲကာ ပြည်သူများနှင့် အရပ်သားပစ်မှတ်များအပေါ် လေကြောင်းတိုက်ခိုက်မှုများ သိသိသာသာ ကျူးလွန်နေကြောင်း ၊ ထိုကြောင့် ပြည်သူများ အနေဖြင့် လေကြောင်းတိုက်ခိုက်မှု အန္တရာယ်ကင်းရှင်းရေး လမ်းညွှန်ချက်များကို အတတ်နိုင်ဆုံး လိုက်နာကျင့်သုံးကြပါရန် ကျွန်ုပ်တို ပြည်သူ့ကာကွယ်ရေးတပ်မတော် (မန္တလေး) က မေတ္တာရပ်ခံ တိုက်တွန်းအပ်ကြောင်း ပြောဆိုသည်။
