ဘုတလင်မြို့နယ်တွင် ဗကသရဲဘော်သုံးဦး ကျဆုံးခြင်း တနှစ်ပြည့်အထိမ်းအမှတ် စစ်အာဏာရှင်စနစ် ဆန့်ကျင်ရေးလှုပ်ရှားမှု ပြုလုပ်
ရန်ကုန်၊ဇူလိုင် ၂၈
ဘုတလင်မြို့နယ်တွင် ဘုတလင်မြို့နယ်ကျောင်းသားများသမဂ္ဂ (ဗကသများအဖွဲ့ချုပ်) ၏ ဥက္ကဋ္ဌ ရဲဘော်ကျော်ဝင်းသန့်၊ ဒုဥက္ကဋ္ဌ ရဲဘော်ကြယ်စင်ငြိမ်းချမ်းနှင့် သတင်းပြန်ကြားရေးမှူး ရဲဘော်သုတနေတို့ ကျဆုံးခြင်း တစ်နှစ်ပြည့်အထိမ်းအမှတ် စစ်အာဏာရှင်စနစ် ဆန့်ကျင်ရေးလှုပ်ရှားမှုတစ်ရပ်ကို ဇူလိုင်လ ၂၈ ရက်နေ့က ပြုလုပ်ခဲ့ကြကြောင်းသိရှိရသည်။
အကြမ်းဖက် စစ်တပ်က ၂၀၂၃ ခုနှစ် ဇူလိုင်လ ၂၈ ရက်နေ့ နံနက်ပိုင်းတွင် ဘုတလင်မြို့နယ် ကျောင်းသားများသမဂ္ဂ (ဗကသများအဖွဲ့ချုပ်) ၏ ရုံးခန်းကို အင်အားအလုံးအရင်းနှင့် ဝင်ရောက် စီးနင်းမီးရှို့ပြီး ဗကသရဲဘော်သုံးဦးကို ရက်ရက်စက်စက် သတ်ဖြတ်ခဲ့ခြင်းကြောင့် ကျဆုံးခဲ့တာဖြစ်ကြောင်း သိရှိရသည်။
