လားရှိုးမြို့ မန်ဆူစေတီတွင် တပ်စွဲထားသော စစ်တပ်စခန်း ၊ AT တိုးဂိတ်စခန်း အပါအဝင် စစ်ကောင်စီ တပ်ရင်း ၅ ခုကို သိမ်းပိုက်
ရန်ကုန်၊ ဇူလိုင် ၃၀
ရှမ်းပြည်နယ်မြောက်ပိုင်း၊ လားရှိုးမြို့ မန်ဆူစေတီတွင် တပ်စွဲထားသော စစ်တပ်စခန်း ၊ AT တိုးဂိတ်စခန်း အပါအဝင် စစ်ကောင်စီ တပ်ရင်း ၅ ခုကို သိမ်းပိုက်ကြောင်း MNDAA က သတင်းထုတ်ပြန်သည်။
ယနေ့တွင် MNDAAတပ်က လားရှိုးမြို့ ရပ်ကွက် ၈ မန်ဆူစေတီတော်တွင် ခိုအောင်းနေသော အာဏာသိမ်းတပ်၏ အကြွင်းအကျန် ရန်သူများကို အောင်မြင်စွာ ချေမှုန်းနိုင်ခဲ့ကြောင်း၊ ၂၀၂၄ ခုနှစ် ဇူလိုင်လ ၂၇ ရက်နေ့ မွန်းလွဲ ၃ နာရီ ၀၅ မိနစ်အချိန် MNDAAတပ်က ATတိုးဂိတ်ကျော်စခန်းကိုသိမ်းပိုက်နိုင်ခဲ့ကြောင်း၊ ယင်းနေ့တွင်ပင် စစ်ကောင်စီတပ်၏ စခန်း စုစုပေါင်း ၄ ခုကို အောင်မြင်စွာ သိမ်းပိုက်နိုင်ခဲ့ကြောင်း သိရှိရသည်။
စစ်ကောင်စီတပ်၏ စခန်းသိမ်းတိုက်ပွဲများအတွင်း MNDAA ဆေးဘက်ဆိုင်ရာ ဝန်ထမ်းများက ဒဏ်ရာရစစ်တပ်ဝင် စစ်သုံ့ပန်းများအတွက် ဒဏ်ရာအခြေအနေ၏ပြန်လည်ကောင်းမွန်မှုကို စစ်ဆေးပြီ ဆေးကုသမှုများပေးခဲ့ကြောင်း သိရှိရသည်။
ယနေ့တွင် လားရှိုးမြို့၊ ရမခတိုင်းစစ်ဌာနချုပ်တွင် တိုက်ပွဲများ အပြင်းအထန်ဖြစ်ပွားပြီး မီးလောင်ကျွမ်းမှုများဖြစ်ပေါ်ခဲ့ကြောင်း ဒေသပြည်သူများထံမှ သိရှိရသည်။
