ပုသိမ်ကြီးမြို့နယ်၊ ဖယောင်းတောင်ရွာကို စစ်တပ်က လေကြောင်းဖြင့် ဗုံးကျဲ တိုက်ခိုက်မှု ပြည်သူ ၇ ဦးသေဆုံး
ရန်ကုန်၊ ဩဂုတ် ၇
မန္တလေးတိုင်း၊ ပုသိမ်ကြီးမြို့နယ်၊ ဖယောင်းတောင်ရွာကို အကြမ်းဖက် စစ်တပ်က လေကြောင်းဖြင့် ဗုံးကျဲ တိုက်ခိုက်ရာ ပြည်သူ ၇ ဦးသေဆုံးခဲ့ကြောင်း မန္တလေး PDF က ပြောဆိုသည်။
ဩဂုတ်လ ၆ ရက်နေ့ ည ၁၂ နာရီခန့်တွင် ပုသိမ်ကြီးမြို့နယ် ၊ ဖယောင်းတောင်ရွာကို အကြမ်းဖက် စစ်တပ်က လေကြောင်းဖြင့် ဗုံးကျဲ တိုက်ခိုက်ခဲ့ခြင်းကြောင့် ပြည်သူ ၇ ဦး သေဆုံးခဲ့ပြီး ထိခိုက် ဒဏ်ရာရရှိသူများလည်း ရှိကြောင်း သိရသည်။
အကြမ်းဖက် စစ်တပ်သည် စစ်ရှုံးလာသည်နှင့်အမျှ ပြည်သူကို ပစ်မှတ်ထား၍ စစ်ရာဇဝတ်မှုများကို ဗြောင်ကျကျ ကျူးလွန်လျက်ရှိကြောင်း မန္တလေး PDF ကပြောဆိုသည်။
