Khit Thit သတင်းဌာန၏ အောက်တိုဘာ ၁၉ ရက် နေ့လယ်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ အောက်တိုဘာ ၁၉ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
မန္တလေးမြို့က တရုတ်ကောင်စစ်ဝန်ချုပ်ရုံး ပစ်ခတ်ခံရပြီး ၊ ပစ်ခတ်မှုဖြစ်တဲ့အချိန်မှာပဲ အကြမ်းဖက် စစ်ကောင်စီလက်အောက်ခံ ပြည်သူ့စစ် နဲ့ ပျူစောထီးတွေ လိုက်ပါလာတဲ့ စစ်ကားတစ်စီးဟာ အတင်း မောင်းပြေးသွားတယ်လို့ မျက်မြင်တွေ့ရှိသူ တချို့က ရန်ကုန်ခေတ်သစ်ကို ပြောပါတယ်။
-အကြမ်းဖက် စစ်ကောင်စီက KIO ဌာနချုပ်ရှိရာ လိုင်ဇာမြို့အနီးမှာရှိတဲ့ လမိုင်းယန် ကျေးရွာကို လေယာဉ်နဲ့ ဗုံးကျဲတိုက်ခိုက်မှုကြောင့် ပြည်သူ ၂ ဦးသေဆုံးသွားခဲ့ရပြီး ၊ စစ်ကောင်စီဘက်လေယာဉ်ကို တရုတ် ဘက်က မီးကျည် အချက် ၂၀ ပစ်ဖောက်ပြီး သတိပေးတာတွေလည်း ရှိနေတယ်လို့ KIA သတင်းရင်းမြစ်က ရန်ကုန်ခေတ်သစ်ကို ပြောပါတယ်။
ကရင်ပြည်နယ် ၊ မြ၀တီမြို့၊ အမှတ် ၅ ရပ်ကွက်ရုံးမှာ အကြမ်းဖက် စစ်ကောင်စီ ရပ်ကွက်အုပ်ချုပ်ရေး အဖွဲ့အချင်းချင်း ပစ်ခတ်မှုဖြစ်ပွားပြီး ရာအိမ်မှူး မြင့်ဆိုး ဆိုသူက ပွဲချင်းပြီး သေသွားတဲ့အပြင် အခြား ရာအိမ်မှူး ဝင်းကိုဆိုသူက ပြင်းထန်ဒဏ်ရာရသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
