မြောက်ဦးတွင် စစ်ကောင်စီ၏ လေယာဉ်ဖြင့် ဗုံးကျဲမှုကြောင့် စစ်သုံ့ပန်းမိသားစုဝင် ၂၈ ဦးသေဆုံးပြီး ၂၅ ဦး အပြင်းအထန် ဒဏ်ရာရ၊ သေဆုံးဒဏ်ရာရရှိသူများတွင် အမျိုးသမီးများနှင့်ကလေးများ ပါဝင်

မြောက်ဦးတွင် စစ်ကောင်စီ၏ လေယာဉ်ဖြင့် ဗုံးကျဲမှုကြောင့် စစ်သုံ့ပန်းမိသားစုဝင် ၂၈ ဦးသေဆုံးပြီး ၂၅ ဦး အပြင်းအထန် ဒဏ်ရာရ၊ သေဆုံးဒဏ်ရာရရှိသူများတွင် အမျိုးသမီးများနှင့်ကလေးများ ပါဝင်

ရန်ကုန်၊ ဇန်နဝါရီ ၁၉

မြောက်ဦးတွင် စစ်ကောင်စီ၏ လေယာဉ်ဖြင့် ဗုံးကျဲမှုကြောင့် စစ်သုံ့ပန်းမိသားစုဝင် ၂၈ ဦးသေဆုံးပြီး ၂၅ ဦး အပြင်းအထန် ဒဏ်ရာရ၊ သေဆုံးဒဏ်ရာရရှိသူများတွင် အမျိုးသမီးများနှင့်ကလေးများ ပါဝင်ကြောင်း AA က တရားဝင်သတင်းထုတ်ပြန်သည်။

ယမန်နေ့ ဇန်နဝါရီလ ၁၈ ရက်နေ့ ညနေ ၄ နာရီ ၄၅ မိနစ်၊ ညနေ ၄ နာရီ ၄၆ မိနစ်နှင့် ညနေ ၄ နာရီ ၄၇ မိနစ်အချိန်တို့တွင် မြောက်ဦးမြိုနယ်၊ ရမ်းချောင်းအနီးတဝိုက်ရှိ စစ်သုံပန်းမိသားစုဝင်များထားရှိသည့်နေရာကို စစ်ကောင်စီက ဂျက်ဖိုက်တာဖြင့် ဗုံးများကျဲချခဲ့ကြောင်း၊ အဆိုပါ ဗုံးကျဲမှုကြောင့် ကလေးငယ်နှင့်အမျိုးသမီး စုစုပေါင်း ၂၈ ဦး သေဆုံးခဲ့ပြီး ၂၅ ဦးဒဏ်ရာရရှိခဲ့ကြောင်း၊ ဒဏ်ရာရရှိသူများထဲမှ အချိုမှာ အရေးပေါ်ဆေးကုသမှု ခံယူနေရပြီး ၎င်းထဲမှ ဒဏ်ရာပြင်းထန်သူအချိုမှာလည်း နောက်ထပ်သေဆုံးသူများစာရင်းထဲတွင်ရှိလာနိုင်ကြောင်း AA က ဆိုသည်။

ယခုကဲ့သိုဗုံးကျဲခံရ၍ သေဆုံး/ဒဏ်ရာရရှိသော စစ်သုံပန်းမိသားဝင်များမှာ အာရက္ခဒေသ စစ်ပွဲများအတွင်း ဖမ်းဆီးရမိထားသည့် အကြမ်းဖက် ဖက်ဆစ် စစ်ကောင်စီ၏ တပ်မိသားစုဝင်များဖြစ်ပြီး မကြာမီအချိန်ကာလတစ်ခုတွင် ၎င်းတို့ကို အာရက္ခတပ်တော်မှ ပြန်လည်လွှတ်ပေးရန် စီစဉ်ထားရှိပြီး ဤနေရာ၌ ယာယီထိန်းသိမ်းထားခြင်းဖြစ်ကြောင်း သိရှိရသည်။

နိုင်ငံတစ်ဝန်း စစ်ရှုးနေသော အကြမ်းဖက် ဖက်ဆစ် စစ်ကောင်စီသည် စာသင်ကျောင်းများ၊ ဆေးရုံဆေးခန်းများ၊ ဈေးများ၊ ဘာသာရေးအဆောက်အုံများ၊ လမ်းတံတားများ၊ စစ်ဘေးရှောင်စခန်းများ နှင့် လူနေထူထပ်သောနေရာများ စသည့် ပြည်သူကိုမှတ်ထား တိုက်ခိုက်သည့်လုပ်ရပ်များကို တရားလက်လွတ်ပြုလုပ်နေပြီး စစ်ရာဇဝတ်မှုများကို နေ့စဉ်နှင့်အမျှ ကျူးလွန်လျက်ရှိသည်ဟု AA က ပြောသည်

၂၀၂၅ ခုနှစ် အစောပိုင်းကာလမှစ၍ ဤကဲ့သိုသော အကြမ်းဖက်တိုက်မှုများကို ဖက်ဆစ်စစ်ကောင်စီမှ ခပ်စိပ်စိပ်ပိုမိုပြုလုပ်လာသောကြောင့် လေကြောင်းရန် နှင့် လေကြောင်း အန္တရာယ်ကို ယခင်ထက် ပိုမိုသတိထားကြပါရန်၊ အင်တာနက်၊ ဖုန်းသုံးစွဲမှုများကို သတိထားသုံးစွဲကြပါရန် AA က တိုက်တွန်းနှိုးဆော်ထားသည်။