36 C
Yangon

စစ်ကောင်စီ၏ အပစ်ရပ် ကြေညာချက်သည် လီဆယ်လှည့်ဖြားမှုသာဖြစ်ပြီး ညောင်ဦးမြို့နယ် အတွင်းကို ယနေ့ နံနက်ပိုင်းတွင် တင့်ကား ၂ စီးဖြင့် စစ်ကြောင်းထိုး ပစ်ခတ်နေဟု NUG ကာကွယ်ရေးဝန်ကြီးဌာန ပြောဆို

Must read

စစ်ကောင်စီ၏ အပစ်ရပ် ကြေညာချက်သည် လီဆယ်လှည့်ဖြားမှုသာဖြစ်ပြီး ညောင်ဦးမြို့နယ် အတွင်းကို ယနေ့ နံနက်ပိုင်းတွင် တင့်ကား ၂ စီးဖြင့် စစ်ကြောင်းထိုး ပစ်ခတ်နေဟု NUG ကာကွယ်ရေးဝန်ကြီးဌာန ပြောဆို

ရန်ကုန်၊ ဧပြီ ၃

အကြမ်းဖက် စစ်ကောင်စီ၏ အပစ်ရပ် ကြေညာချက်သည် လီဆယ်လှည့်ဖြားမှုသာဖြစ်ပြီး ညောင်ဦးမြို့နယ် အတွင်းကို ယနေ့ နံနက်ပိုင်းတွင် တင့်ကား ၂ စီးဖြင့် စစ်ကြောင်းထိုး ပစ်ခတ်နေကြောင်း NUG ကာကွယ်ရေးဝန်ကြီးဌာနက ထုတ်ပြန်ပြောဆိုထားသည်။

ယနေ့ ဧပြီလ ၃ ရက်နေ့ နံနက် ၆ နာရီခန့်တွင် မန္တလေးတိုင်း၊ ညောင်ဦးခရိုင်၊ ညောင်ဦးမြို့နယ်၊ ငါ့သရောက်ရဲစခန်းမှ အကြမ်းဖက် စစ်ကောင်စီ တပ်သားများသည် တင့်ကား ၂ စီးဖြင့် ကျေးရွာများကို စစ်ကြောင်းထိုးနေခြင်းဖြစ်ကြောင်း သိရသည်။

ယင်း အကြမ်းဖက် စစ်ကောင်စီ တပ်သားများသည် စစ်ကြောင်းထိုးရာ လမ်းတစ်လျှောက်ရှိ မြေသန့်တောင်ရွာ၊ မအူပင်ရွာ၊ ကြအိုကျေးရွာ များရှိ ပြည်သူ ပိုင် နေအိမ်များကို ပွိုင့် ၅ စက်သေနတ်များ အပါအဝင် လက်နက်မျိုးစုံဖြင့် ပစ်ခတ် နေခြင်းဖြစ်ကြောင်း သိရှိရသည်။

အဆိုပါ စစ်ကြောင်းသည် အင်အား ၆၀၀ ခန့်ပါဝင်ပြီး မတ်လ ၂၀ ရက်နေ့က စတင်ကာ ညောင်ဦး မြို့ နယ်နှင့် ချောက်မြို့နယ် အကြားရှိ ကျေးရွာများကို စစ်ကြောင်းထိုးဝင်ရောက်လာပြီး ပြည်သူပိုင်နေ အိမ်များကို မီးရှို့ခြင်း၊ ဒေသပြည်သူများကို ဖမ်းဆီးခြင်းနှင့် ပြည်သူပိုင် တန်ဖိုးရှိ ပစ္စည်းများကို အဓမ္မ ခိုးယူ လုယက်ခြင်းများ ပြုလုပ်နေသည့် စစ်ကြောင်းဖြစ်ကြောင်း သိရသည်။

ထို့သို့ အကြမ်းဖက်စစ်တပ်က စစ်ကြောင်းထိုးကာ ပြည်သူလူထုအပေါ် တိုက်ခိုက်နေမှုကြောင့် ဒေသနေ ပြည်သူ ၂၀၀၀၀ ခန့် စစ်ဘေးရှောင်နေရကြောင်း၊ အကြမ်းဖက် စစ်ကောင်စီတပ်သည် အပစ်ရပ်သည်ဟု ကြေညာသော်လည်း လက်တွေ့တွင် လေ ကြောင်းတိုက်ခိုက်မှုများ ပြုလုပ်ခြင်းနှင့် မြေပြင်စစ်ကြောင်း ထိုးခြင်းများ စဥ်ဆက်မပြတ် ပြုလုပ်နေ ကြောင်း NUG အစိုးရ ကာကွယ်ရေးဝန်ကြီးဌာနက ထုတ်ပြန် ပြောဆိုထားသည်။

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_imgspot_imgspot_imgspot_img

Latest article