မတ္တရာမြို့နယ်၊ မကျည်းကုန်းရွာကို စစ်တပ်က တိုက်ပွဲဖြစ်ပွားခြင်းမရှိဘဲ လေကြောင်းဖြင့် ဗုံးကျဲ တိုက်ခိုက်
မန္တလေးတိုင်း၊ မတ္တရာမြို့နယ်၊ မကျည်းကုန်းရွာကို အကြမ်းဖက် စစ်တပ်က တိုက်ပွဲဖြစ်ပွားခြင်းမရှိဘဲ လေကြောင်းဖြင့် ဗုံးကျဲ တိုက်ခိုက်ခဲ့ကြောင်း Voice Of Mandalay မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဧပြီလ ၂၁ ရက်နေ့ ညနေ ၅ နာရီ ၃၀ မိနစ်ခန့်တွင် အကြမ်းဖက် စစ်တပ်က တိုက်ပွဲဖြစ်ပွားခြင်းမရှိဘဲ မတ္တရာမြို့နယ် အရှေ့ခြမ်းရှိ မကျည်းကုန်းရွာကို အနီးတစ်ဝိုက်ကို Jet Fighter ၁ စီးဖြင့် ဗုံးကျဲ တိုက်ခိုက်ခဲ့ကြောင်း သိရသည်။
အကြမ်းဖက် စစ်တပ်၏ လေကြောင်းတိုက်ခိုက်မှု အတွင်း ကျေးရွာ အနီးရှိ လယ်ကွင်းများကို ဗုံးသီးများ ကျရောက် ပေါက်ကွဲခဲ့ခြင်းကြောင့် ပြည်သူများ ထိခိုက်မှုမရှိကြောင်း သိရှိရသည်။
“မတ္တရာအရှေ့ခြမ်း မကျည်းကုန်းရွာ အနီးတစ်ဝိုက်ကို Jet Fighter ၁ စီး နဲ့ မနေ့က ညနေပိုင်းမှာ လေကြောင်း တိုက်ခိုက်မှု ပြုလုပ်သွားပါတယ်။ ရွာပြင်ကို ကျတာမို့လို့ ပြည်သူတွေ အထိအခိုက်မရှိပါဘူး” ဟု Voice Of Mandalay မှ တာဝန်ရှိသူ တစ်ဦးက ပြောဆိုသည်။
