ညောင်ရွှေမြို့နယ်၊ ဘုရားတောင်ရွာကို စစ်တပ်နှင့် PNA အဖွဲ့က လက်နက်များဖြင့် ပစ်ခတ် တိုက်ခိုက်
ရှမ်းပြည်နယ်၊ ညောင်ရွှေမြို့နယ်၊ ဘုရားတောင်ရွာကို အကြမ်းဖက် စစ်တပ်နှင့် PNA အဖွဲ့က လက်နက်များဖြင့် ပစ်ခတ် တိုက်ခိုက်ခဲ့ကြောင်း အင်းလေးဒေသ လူ့အခွင့်အရေးအဖွဲ့က ပြောဆိုသည်။
မေလ ၁၅ ရက်နေ့ နံနက် ၁ နာရီ ၃၀ မိနစ်ခန့်တွင် ညောင်ရွှေမြို့နယ်၊ အင်းလေးတောင်ဖက်ခြမ်းရှိ ဘုရားတောင်ရွာကို အကြမ်းဖက် စစ်တပ်နှင့် ၎င်းတို့ လက်အောက်ခံ PNA ပြည်သူ့စစ်များက လက်နက်ကြီးများဖြင့် ရမ်းသမ်း ပစ်ခတ် တိုက်ခိုက်ခဲ့ခြင်းဖြစ်ကြောင်း သိရသည်။
အကြမ်းဖက် စစ်တပ်က လက်နက်ကြီးများဖြင့် ပစ်ခတ် တိုက်ခိုက်ခြင်းကြောင့် ပြည်သူများ ထိခိုက်မှုမရှိဘဲ နေအိမ် ၁ လုံးထိခိုက်ပျက်စီးခဲ့ကြောင်း သိရှိရသည်။
ထို့ပြင် မေလ ၁၂ ရက်နေ့ ည ၁၀ နာရီ ၅၉ မိနစ်ခန့်ကလည်း ညောင်ရွှေမြို့နယ်၊ တောင်ပို့ကွဲကျေးရွာနှင့် ဟိုပန်နောက်ရွာကို အကြမ်းဖက် စစ်တပ်က လက်နက်ကြီးများဖြင့် ပစ်ခတ် တိုက်ခိုက်ခြင်းကြောင့် ကျေးရွာ ဘုန်းကြီးကျောင်းနှင့် နေအိမ်များ ထိခိုက်ပျက်စီးခဲ့ကြောင်း သိရသည်။
