ဒီကနေ့ မေ ၂၁ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
ပြည်ပကို အကြောင်းအမျိုးမျိုးနဲ့ ထွက်ခွာနေသူတွေကြောင့် နိုင်ငံခြားငွေစျေးတွေ မြင့်တက်နေတာဆိုပြီး အကြမ်းဖက် မင်းအောင်လှိုင်က အပြစ်တင်ပြောဆိုသွားပြန်ပါတယ်။
-ကချင်ပြည်နယ် ဗန်းမော်မြို့မှာ KIA က ပစ်ချလိုက်လို့ စစ်ရဟတ်ယာဉ် ၁ စီး ထိမှန်ပျက်ကျသွားတာကို ဓါတ်ပုံ ဗီဒီယို မှတ်တမ်းတွေနဲ့တကွ တော်လှန်ရေးတပ်တွေက ထုတ်ပြန်ထားတာတောင် စက်ချို့ယွင်းပြီး ပျက်ကျတာ ဖြစ်တယ်လို့ အကြမ်းဖက် စစ်ကောင်စီက သူတို့ရဲ့ ထုံးစံအတိုင်း လိမ်လည် သတင်းထုတ်ပြန်လာပါတယ်။
မန္တလေးမြို့၊ မဟာအောင်မြေမြို့နယ်မှာ မိုးရွာသွန်းပြီးတော့ ငလျင်ဒဏ်ကြောင့်ပြိုကျလုဆဲဆဲဖြစ်နေတဲ့ အဆောက်အအုံ ထပ်မံပြိုကျတဲ့အတွက် ပြည်သူတွေ ဘေးလွတ်ရာရွှေ့ပြောင်းခဲ့ရပြန်တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။
