ရန်ကုန်၊ မေ ၂၇
မန္တလေးတိုင်း၊ တောင်သာမြို့နယ်၊ ထနောင်းကုန်းရွာရှိ စစ်ကောင်စီတပ်စခန်းကို တော်လှန်ရေးတပ်များက ဝင်ရောက်တိုက်ခိုက်ခဲ့စဉ် စစ်တပ်က မြေပြင်နှင့် ဝေဟင် စစ်ကူပေးပြီး ပိတ်မိနေသော စစ်သားနှင့် ပျူစောထီးများကို ခေါ် ထုတ်သွားကြောင်း မြင်းခြံခရိုင် အမှတ် ၃ တပ်ရင်းမှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာနထံသို့ ပြောကြားသည်။
မေလ ၁၅ ရက် နံနက် ၆ နာရီခန့်က တောင်သာမြို့နယ်၊ ထနောင်းကုန်းကျေးရွာရှိ ပျူစောထီးစခန်း အားဝင်ရောက်တိုက်ခိုက်ခဲ့ရာ ကျေးရွာအဝင်ရှိ ဘန်ကာအား RPG -7 ဖြင့် စတင်ဖြိုခွင်းတိုက်ခိုက်ခဲ့ ကြောင်း၊ ထို့နောက် စစ်သား၊ ပျူစောထီးများနေထိုင်ရာ ဘန်ကာများအားဆက်လက်ဖြိုခွင်းတိုက် ခိုက်ခဲ့ရာ ဘန်ကာတစ်ခုချင်းဆီမှတဆင့် ပျူစောထီးခေါင်းဆောင် ထူးအောင်၏ နေအိမ် ၂ ထပ်တိုက် အထိ ဆုတ်ခွာသွားကြောင်း သိရသည်။
ထိုသို့ စစ်သား၊ ပျူစောထီးများက ပျူစောထီးခေါင်းဆောင်၏ ၂ ထပ်တိုက်နေအိမ်အထိ ဆုတ်ခွာ သွားပြီးနောက် စစ်ကောင်စီတပ်က ဂျက်ဖိုက်တာဖြင့် လာရောက်ဗုံးကျဲခဲ့ရာ ပြည်သူ့ကာကွယ်ရေး တပ်ဖွဲ့ဝင်များ အကာအကွယ်ယူထားသော တိုက်ပေါ်သို့ ပေါင် ၅၀၀ ဗုံးကျရောက်ပေါက်ကွဲပြီး မြင်းခြံ ခရိုင်တပ်ရင်း ၃ မှ ရဲဘော် ၆ ဦးမစိုးရိမ်ရ ထိခိုက်ဒဏ်ရာရရှိခဲ့ကြောင်း သိရသည်။
မေလ ၁၆ ရက်နေ့တွင်လည်း စစ်သား၊ ပျူစောထီးများ နေထိုင်ရာ ထူးအောင်၏ နေအိမ်ကို ဝိုင်းဝန်း ပိတ်ဆို့ တိုက်ခိုက်ခဲ့ရာ စစ်ကောင်စီတပ်က Mi35 ရဟတ်ယာဉ် ၊ Y12 လေယာဉ်ဖြင့် ဗုံးကျဲပစ်ခတ် တိုက်ခိုက်ခဲ့ရာ မြင်းခြံခရိုင်အမှတ် ၃ တပ်ရင်းမှ ရဲဘော် ၄ ဦး ထပ်မံ ထိခိုက်ဒဏ်ရာရရှိခဲ့ပြီး လေ ကြောင်းရန်ကြောင့် ညအချိန်တွင် နောက်သို့ ဆုတ်ခွာပေးခဲ့ရာ ပိတ်မိနေသော စစ်သား၊ ပျူစောထီး များက နင်းမိုင်း၊ တိုက်မိုင်း ၊ လျှော့တိုက်မိုင်းများ ထွက်၍ ဆင်ထားခဲ့သည်ဟု ဆိုသည်။
ထို့ကြောင့် ပျူစောထီးခေါင်းဆော်င ထူးအောင်၏ နေအိမ်အနီး ကပ်မရဖြစ်နေချိန် မီတာ ၁၀၀ အ ကွာအဝေးမှ ပိတ်ဆို့ထားရာ မြင်းခြံမြို့မှ သီတာယုမွန်ဦးဆောင်သော စစ်ကြောင်းနှင့် ထိပ်တိုက် တိုးပြီး တိုက်ပွဲဖြစ်ပွားခဲ့ကြောင်း၊ ပျူစောထီးခေါင်းအောင်အပါအဝင် ပိတ်မိနေသော စစ်သား၊ ပျူစော ထီးများသည် သီတာယုမွန်ဦးဆောင်သော စစ်ကြောင်းနှင့်အတူ လိုက်ပါသွားသဖြင့် ပြည်သူ့ကာကွယ် ရေးတပ်ဖွဲ့ဝင်များလည်း ပြန်လည်ဆုတ်ခွာခဲ့ရကြောင်း သိရသည်။
တိုက်ပွဲကာလ ၃ ရက်အတွင်း စစ်ကောင်စီတပ်က လေကြောင်းဖြင့် ၁၄ ကြိမ်တိတိ တိုက်ခိုက်ခဲ့ရာ ပြည်သူ့ကာကွယ်ရေး ရဲဘော် ၁၀ ဦး မစိုးရိမ်ရ ထိခိုက်ဒဏ်ရာရရှိခဲ့ကြောင်း၊ တိုက်ပွဲအတွင်း ကျည်ခဲ ယမ်းများစွာ အသုံးပြုခဲ့ရပြီး ပြန်လည်ဖြည့်တင်းရမည်ဖြစ်သဖြင့် ပြည်သူများက ဝိုင်းဝန်းကူညီ ထောက်ပံ့ပေးကြပါရန် မြင်းခြံခရိုင်အမှတ် ၃ တပ်ရင်းက ထုတ်ပြန်ထားသည်။
