ဒီကနေ့ မေ ၂၇ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
-မန္တလေးတိုင်းက နွားထိုးကြီးမြို့နယ်၊ ထန်းဇင်ကျေးရွာမှာရှိတဲ့ တရုတ်ဂတ်စ်ပိုက်လိုင်းစောင့် စစ်တပ်စခန်း နဲ့ ဂတ်စ်တွန်းစက် စခန်းကိုပါ တော်လှန်ရေးပူးပေါင်းတပ်တွေက တိုက် ခိုက်သိမ်းပိုက်လိုက်ပြီး ၊ အဲဒီ တရုတ် ဂတ်စ်ပိုက်လိုင်းစောင့် စစ်တပ်စခန်းတွေကို သိမ်းပိုက်ထားမှုဟာ နိုင်ငံရေးအရ အရေးကြီးတယ် လို့လည်း တော်လှန်ရေးသတင်းရင်းမြစ် ရန်ကုန်ခေတ်သစ်ကိုပြောပါတယ်။
မြန်မာ့အရေး ဖြေရှင်းဖို့ အရေးကြီးတဲ့ တိုးတက်မှုတချို့ ရှိနေပြီလို့ အာဆီယံ ဥက္ကဋ္ဌ မလေးရှားဝန်ကြီးချုပ် အန်နဝါ ပြောဆိုလိုက်ပါတယ်။
စစ်ကိုင်းတိုင်းက အကြမ်းဖက် စစ်ကောင်စီရဲ့ မုံရွာမြို့အခြေစိုက် အနောက်မြောက်ပိုင်းတိုင်း စစ်ဌာနချုပ် အတွင်းကို တော်လှန်ရေးတပ်တွေက ၁၀၇ မမရှော့တိုက်ဒုံးတွေနဲ့ ပစ်ခတ်တိုက်ခိုက်ရာမှာ ရှော့တိုက်ဒုံး ၆ လုံးက နမခ ထဲကို ကျရောက်ပေါက်ကွဲခဲ့တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။
