ဒီကနေ့ ဇွန် ၁၀ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
-ရခိုင်ပြည်နယ် ကျောက်ဖြူမြို့နယ်မှာ အာရက္ခတပ်တော် AA နဲ့ အကြမ်းဖက် စစ်ကောင်စီတပ်အကြား တိုက်ပွဲတွေ ပြင်းထန်လာတဲ့အချိန် ကျောက်ဖြူစီမံကိန်းက တရုတ်နိုင်ငံသားတွေဟာ ပြောင်းရွှေ့မှုတွေ လုပ်ဆောင်လာတယ်လို့ ကျောက်ဖြူစီမံကိန်းနဲ့ပက်သက်တဲ့ သတင်းရင်းမြစ်က ရန်ကုန်ခေတ်သစ်ကို ပြောပါတယ်။
အကြမ်းဖက် စစ်ကောင်စီရဲ့ နေပြည်တော် အမှတ် ၃ စစ်ကြောရေး နဲ့ တည်းခိုရေးတပ်အတွင်း စစ်မှုထမ်း တပ်သားသစ် နန်းစောင် ဆိုတဲ့သူကို စစ်သား ၁ ဦးက ကတ်ကြေးနဲ့ ထိုးသတ်လိုက်တယ်လို့ စစ်တပ်သတင်း ရင်းမြစ်နဲ့ CDM တပ်အသိုင်းအ၀ိုင်းက ပြောထားပါတယ်။
ရှမ်းပြည်နယ်က ညောင်ရွှေမြို့နယ်မှာရှိတဲ့ ရေပူ ကျေးရွာနဲ့ ဘုရားတောင် ကျေးရွာအနီး စစ်ကြောင်းထိုးနေတဲ့ အကြမ်းဖက် စစ်ကောင်စီတပ်နဲ့ စစ်တပ်လက်အောက်ခံ PNO အဖွဲ့ကို တော်လှန်ရေးပူးပေါင်းတပ်တွေက တိုက်ခိုက်ခြေမှုန်းရာမှာ စစ်ကောင်စီဘက်က ၁၀ ဦးကတော့အသီးသီး သေကုန်ကြတဲ့အပြင် ဒဏ်ရာရတဲ့ သူတွေလည်း တော်တော်ကို များသွားတဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။
