စစ်ကိုင်းတိုင်း ဆားလင်းကြီးမြို့နယ် လက်ပံတောင်းတောင်ဒေသ သပိတ်အင်အားစုဦးဆောင်ပြီး ယနေ့ ဇွန်လ ၂၀ရက်နေ့တွင် “ Freedom from Fear ” စာသားကို ကိုင်ဆောင်ကာ စစ်အာဏာရှင်ဆန့်ကျင်ရေး ကြွေးကြော်သံများဖြင့် သပိတ်ထွက်ရှိခဲ့ကြသည်။
အဆိုပါ သပိတ်တွင် ယုံကြည်ချက်ကြောင့်အကျဥ်းကျနေသူများအတွက် ဆုတောင်းပေးခဲ့ကြပြီး စစ်အာဏာရှင်ကို အလိုမရှိကြောင်း၊ တရားမဝင်အတုအယောင်ရွေးကောက်ပွဲ အလိုမရှိကြောင်း၊ ဖမ်းဆီးထားသောနိုင်ငံရေးအကျဥ်းသားများ လွှတ်ပေးရန်တို့ကို တောင်းဆိုခဲ့ကြသည်။
